അബുദാബിയിൽ 15-ാമത് യുഎൻ ക്രൈം കോൺഗ്രസിൽ അർജുൻ റാം മേഘ്‌വാൾ പ്രസംഗിച്ചു
28 സെപ്റ്റംബർ 2026
കേന്ദ്ര നിയമ-നീതി സഹമന്ത്രി (സ്വതന്ത്ര ചുമതല) അർജുൻ റാം മേഘ്‌വാൾ യുണൈറ്റഡ് അറബ് എമിറേറ്റ്സിലെ അബുദാബിയിൽ നടക്കുന്ന 15-ാമത് കുറ്റകൃത്യ പ്രതിരോധ-ക്രിമിനൽ നീതി സംബന്ധിച്ച യുഎൻ കോൺഗ്രസിൽ പ്രസംഗിച്ചു. ഡിജിറ്റൽ നീതി, സൈബർ കുറ്റകൃത്യങ്ങൾക്കും ഭീകരതയ്ക്കും എതിരായ കർശന നടപടികൾ, വിശാലമായ അന്താരാഷ്ട്ര സഹകരണം, സമയബന്ധിതമായ നീതി ലഭ്യത എന്നിവയിൽ ഇന്ത്യയുടെ പ്രവർത്തനങ്ങൾ അദ്ദേഹം എടുത്തുകാട്ടി. ഇന്ത്യയുടെ പുതിയ ക്രിമിനൽ നിയമങ്ങളിലൂടെ വരുത്തിയ പരിഷ്കാരങ്ങളും പ്രതിനിധികൾക്കു മുന്നിൽ അവതരിപ്പിച്ചു. 2026 സെപ്റ്റംബർ 26 മുതൽ ഒക്ടോബർ 1 വരെയാണ് കോൺഗ്രസ്; "കുറ്റകൃത്യ പ്രതിരോധം, ക്രിമിനൽ നീതി, നിയമവാഴ്ച എന്നിവ വേഗത്തിലാക്കുക: ഡിജിറ്റൽ യുഗത്തിൽ ജനങ്ങളെയും ഭൂമിയെയും സംരക്ഷിച്ച് സുസ്ഥിര വികസനത്തിനുള്ള 2030 അജണ്ട നേടുക" എന്നതാണ് പ്രമേയം. മയക്കുമരുന്ന്, രാജ്യാന്തര സംഘടിത കുറ്റകൃത്യം, അഴിമതി, ഭീകരത എന്നിവയ്ക്കെതിരെ അംഗരാജ്യങ്ങളെ സഹായിക്കാൻ ചുമതലയുള്ള യുഎൻ ഏജൻസിയായ യുഎൻ ഓഫീസ് ഓൺ ഡ്രഗ്സ് ആൻഡ് ക്രൈം (യുഎൻഒഡിസി) ആണ് ഇത് സംഘടിപ്പിക്കുന്നത്. ഇതിനിടെ യുഎഇ നീതിന്യായ മന്ത്രി അബ്ദുല്ല സുൽത്താൻ ബിൻ അവാദ് അൽ നുഐമിയെ കണ്ട് ഇന്ത്യ-യുഎഇ നിയമ സഹകരണം മേഘ്‌വാൾ ചർച്ച ചെയ്തു.