3.4 ദശലക്ഷം കുട്ടികൾക്കായി ബംഗ്ലാദേശ് 'തീവ്ര എംആർ ക്യാച്ച്-അപ്പ് വാക്സിനേഷൻ' യജ്ഞം തുടങ്ങി

26 സെപ്റ്റംബർ 2026

അഞ്ചാംപനി വ്യാപനം തടയാനുള്ള ശ്രമങ്ങളുടെ ഭാഗമായി 2026 സെപ്റ്റംബർ 26 ശനിയാഴ്ച ബംഗ്ലാദേശ് രാജ്യവ്യാപക പ്രത്യേക അഞ്ചാംപനി–റുബെല്ല (എംആർ) വാക്സിനേഷൻ യജ്ഞം ആരംഭിച്ചു.
ധാക്കയിലെ കൊറൈലിലുള്ള ടിഎൻടി മൈതാനത്ത് ആരോഗ്യ–കുടുംബക്ഷേമ മന്ത്രി സർദാർ മുഹമ്മദ് സഖാവത്ത് ഹുസൈൻ യജ്ഞം ഉദ്ഘാടനം ചെയ്തു.
"തീവ്ര എംആർ ക്യാച്ച്-അപ്പ് വാക്സിനേഷൻ" എന്ന് പേരിട്ട യജ്ഞം ആറുമാസം മുതൽ അഞ്ചുവയസ്സിൽ താഴെയുള്ള 3.4 ദശലക്ഷം (34 ലക്ഷം) കുട്ടികളെയാണ് ലക്ഷ്യമിടുന്നത്.
നേരത്തെ വാക്സിൻ ലഭിക്കാതെപോയ 2.4 ദശലക്ഷം കുട്ടികളും അടുത്തിടെ ആറുമാസം തികഞ്ഞ 1 ദശലക്ഷം ശിശുക്കളും ഇതിൽ ഉൾപ്പെടുന്നു.
ഒക്ടോബർ 31 വരെ നീളുന്ന യജ്ഞം മുൻ ഘട്ടങ്ങളിൽ വിട്ടുപോയ കുട്ടികളെയും പുതുതായി അർഹരായവരെയും കണ്ടെത്തി വാക്സിൻ നൽകാൻ ലക്ഷ്യമിടുന്നു.
ഏപ്രിലിൽ ആരംഭിച്ച മുൻ ഘട്ടങ്ങളിൽ 18.5 ദശലക്ഷം കുട്ടികൾക്ക് വാക്സിൻ നൽകിയിരുന്നു.