ചെറുകിട, ഇടത്തരം സംരംഭങ്ങളിൽ നേരിട്ടുള്ള ഓഹരി നിക്ഷേപത്തിനായി എസ്എംഇ ഗ്രോത്ത് ഫണ്ട് സ്ഥാപിക്കാൻ 10,000 കോടി രൂപയുടെ പ്രതിബദ്ധതയ്ക്ക് മന്ത്രിസഭ അംഗീകാരം നൽകി

6 ഒക്ടോബർ 2026

പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭ എസ്എംഇ ഗ്രോത്ത് ഫണ്ട് സ്ഥാപിക്കുന്നതിനുള്ള കേന്ദ്ര സർക്കാരിന്റെ 10,000 കോടി രൂപയുടെ പ്രതിബദ്ധതയ്ക്ക് അംഗീകാരം നൽകി. ചെറുകിട, ഇടത്തരം സംരംഭങ്ങളിൽ നേരിട്ടുള്ള ഓഹരി നിക്ഷേപത്തിനുള്ളതാണ് ഈ ഫണ്ട്. നിർമാണം, സേവനം, സാങ്കേതികവിദ്യ, നവീകരണം എന്നീ മേഖലകളിലെ സംരംഭങ്ങൾക്ക് വളർച്ചാ മൂലധനം ലഭ്യമാക്കുകയാണ് ലക്ഷ്യം. ഇത്തരം സംരംഭങ്ങൾക്ക് ഓഹരി വികസന മൂലധനത്തിൽ ഘടനാപരമായ വിടവുണ്ടെന്ന് മന്ത്രിസഭ വിലയിരുത്തി. ഫണ്ടിന്റെ ഭൂരിഭാഗവും ചെറുകിട, ഇടത്തരം നിർമാണ സംരംഭങ്ങൾക്കായിരിക്കും.