വിദ്യുത് ദ്വാർ പോർട്ടൽ ആരംഭിച്ച് സെൻട്രൽ ഇലക്ട്രിസിറ്റി ഓതോറിറ്റി വിദ്യുച്ഛക്തി മേഖലയ്ക്കായി 54 നിർമിതബുദ്ധി ബ്രാൻഡ് അംബാസഡർമാരെ നിയോഗിച്ചു

15 ഒക്ടോബർ 2026

2026 ഒക്ടോബർ 14-ന് ന്യൂഡൽഹിയിലെ മനേക്ഷാ സെന്ററിൽ 'ഇന്ത്യൻ വിദ്യുച്ഛക്തി മേഖലയെ നിർമിതബുദ്ധി പ്രാപ്തമാക്കുന്നു' എന്ന പേരിലുള്ള രണ്ടുദിവസ അന്താരാഷ്ട്ര സമ്മേളനത്തിന്റെയും പ്രദർശനത്തിന്റെയും ആദ്യദിനം സെൻട്രൽ ഇലക്ട്രിസിറ്റി ഓതോറിറ്റി സംഘടിപ്പിച്ചു. സിഇഎ ചെയർപേഴ്സൺ ശ്രീ ഘൻശ്യാം പ്രസാദ് സമ്മേളനത്തിന്റെ പശ്ചാത്തലം അവതരിപ്പിച്ചു. സിഇഎയുടെ വിദ്യുത് ദ്വാർ പോർട്ടൽ ഉദ്ഘാടനം, 2026-ലെ സിഇഎ പ്രസരണ ആസൂത്രണ മാനദണ്ഡ കൈപ്പുസ്തകത്തിന്റെ പ്രകാശനം, സിഇഎ എംപ്ലോയി അവാർഡുകളുടെ വിതരണം എന്നിവ പരിപാടിയിൽ നടന്നു. വിദ്യുച്ഛക്തി മേഖലയിലാകെ നിർമിതബുദ്ധി മുന്നോട്ടു കൊണ്ടുപോകാൻ 54 നിർമിതബുദ്ധി താൽപ്പര്യക്കാരുടെയും ബ്രാൻഡ് അംബാസഡർമാരുടെയും സംഘത്തെ സിഇഎ രൂപീകരിച്ചു; വിദ്യുച്ഛക്തി സ്ഥാപനങ്ങൾക്കും പ്രത്യേക നിർമിതബുദ്ധി സംഘങ്ങൾ രൂപീകരിക്കാം. ആദ്യദിനം ആറ് സമാന്തര വിഷയാധിഷ്ഠിത ചർച്ചകൾ നടന്നു.