ഡിജിറ്റൽ അഗ്രികൾച്ചർ മിഷനു കീഴിൽ 11 കോടി ഫാർമർ ഐഡികൾ സമയപരിധിക്കു മുൻപേ പൂർത്തിയാക്കി

24 ഒക്ടോബർ 2026

2027 മാർച്ച് 31 എന്ന സമയപരിധിക്ക് അഞ്ചു മാസം മുൻപേ 11 കോടി ഫാർമർ ഐഡികൾ സൃഷ്ടിക്കാനുള്ള ലക്ഷ്യം കേന്ദ്ര സർക്കാർ കൈവരിച്ചു.
ഒക്ടോബർ 23-ന് രാത്രിയോടെ 11 കോടി ഫാർമർ ഐഡികളുടെ നിർമ്മാണം പൂർത്തിയായെന്ന് കേന്ദ്ര കൃഷി-കർഷകക്ഷേമ, ഗ്രാമവികസന മന്ത്രി ശ്രീ ശിവരാജ് സിങ് ചൗഹാൻ അറിയിച്ചു.
കൃഷി-കർഷകക്ഷേമ മന്ത്രാലയം നടപ്പാക്കുന്ന ഡിജിറ്റൽ അഗ്രികൾച്ചർ മിഷനു കീഴിലാണ് ഈ നേട്ടം.
സർക്കാർ പദ്ധതികൾ, ബാങ്ക് വായ്പ, വിള ഇൻഷുറൻസ്, ദുരന്തസഹായം എന്നിവ സുതാര്യമായും വേഗത്തിലും ലഭ്യമാക്കുന്ന തനത് ഡിജിറ്റൽ തിരിച്ചറിയൽ രേഖയാണ് ഫാർമർ ഐഡി; ഇത് കടലാസ് ജോലികളും ആവർത്തിച്ചുള്ള പരിശോധനയും കുറയ്ക്കും.
പരിശോധിച്ച കർഷക വിവരശേഖരം സുതാര്യത വർധിപ്പിക്കുകയും ഇരട്ടിപ്പ് ഒഴിവാക്കുകയും അർഹരായ കർഷകർക്ക് നേരിട്ട് ആനുകൂല്യം എത്തിക്കുകയും ചെയ്യുമെന്ന് മന്ത്രാലയം പറഞ്ഞു.