സെനഗലിലെ സലൂം ഡെല്‍റ്റയിലെ ഐഎല്‍ഒ പദ്ധതിയില്‍ 1,200 തൊഴിലുകള്‍ സൃഷ്ടിക്കുകയോ പിന്തുണയ്ക്കുകയോ ചെയ്തു, അതില്‍ പത്തില്‍ ഏഴും സ്ത്രീകള്‍ക്ക്
19 ഒക്ടോബർ 2026
മേഖലയിലെ കണ്ടല്‍ തേന്‍, മുത്തുച്ചിപ്പി, ആര്‍ക്ക് കല്ലുമ്മക്കായ എന്നിവ പ്രദര്‍ശിപ്പിച്ച 'മെയ്ഡ് ഇന്‍ ദ സലൂം ഡെല്‍റ്റ' എന്ന പ്രചാരണ പരിപാടി 2026 ഒക്ടോബര്‍ 10-ന് ഡാക്കറില്‍ നടന്നു.
സലൂം ഡെല്‍റ്റയിലെ സ്ത്രീകള്‍ക്കും യുവജനങ്ങള്‍ക്കുമുള്ള ഹരിത തൊഴില്‍ പദ്ധതി അന്താരാഷ്ട്ര തൊഴില്‍ സംഘടന നടപ്പാക്കിയതും ജര്‍മന്‍ ഫെഡറല്‍ സാമ്പത്തിക സഹകരണ വികസന മന്ത്രാലയം ധനസഹായം നല്‍കിയതുമാണ്.
2022 ഡിസംബര്‍ 8 മുതല്‍ 2026 ഏപ്രില്‍ 30 വരെയാണ് ഇത് നടന്നത്.
മുത്തുച്ചിപ്പി, ആര്‍ക്ക് കല്ലുമ്മക്കായ കൃഷിയില്‍ 530 സ്ത്രീകള്‍ക്കും യുവജനങ്ങള്‍ക്കും, തേനീച്ച വളര്‍ത്തലില്‍ 407 പേര്‍ക്കും, ഹരിത സംരംഭകത്വത്തില്‍ 400 പേര്‍ക്കും പദ്ധതി പരിശീലനം നല്‍കി.
1,200 തൊഴിലുകള്‍ സൃഷ്ടിക്കുകയോ പിന്തുണയ്ക്കുകയോ ചെയ്തു; 70 ശതമാനം സ്ത്രീകള്‍ക്കും 30 ശതമാനം യുവജനങ്ങള്‍ക്കും. 3,471 പേരെ ആരോഗ്യ ഇന്‍ഷുറന്‍സിന്‍ കീഴില്‍ കൊണ്ടുവന്നു.
സഹകരണ സംഘങ്ങള്‍ സംബന്ധിച്ച ഒഹാഡ ഏകീകൃത നിയമപ്രകാരം പതിനഞ്ച് സഹകരണ സംഘങ്ങള്‍ രൂപീകരിച്ചു.
പദങ്ങൾ
OHADA Organisation for the Harmonisation of Business Law in Africa — പ്രധാനമായും ഫ്രഞ്ച് ഭാഷ സംസാരിക്കുന്ന ആഫ്രിക്കന്‍ രാജ്യങ്ങളുടെ കൂട്ടായ്മ; വ്യാപാര, സഹകരണ നിയമങ്ങള്‍ ഇവര്‍ക്ക് പൊതുവാണ്.