മാഡ്രിഡിലെ ഉന്നതതല ചർച്ചയിൽ ഇബേറോ-അമേരിക്കൻ കോൺഫറൻസിന്റെ നിരീക്ഷകരായി ഇന്ത്യയും അംഗോളയും
3 നവംബർ 2026
ഇബേറോ-അമേരിക്കൻ കോൺഫറൻസിന്റെ (Conferencia Iberoamericana) സ്പാനിഷ് അധ്യക്ഷതയിൽ നവംബർ 3ന് മാഡ്രിഡിൽ നടന്ന നിരീക്ഷകരുമായുള്ള ഉന്നതതല ചർച്ചയ്ക്ക് സ്പെയിനിന്റെ വിദേശകാര്യ മന്ത്രി ഹോസെ മാനുവൽ അൽബാരെസ് (Jose Manuel Albares) അധ്യക്ഷത വഹിച്ചു. ഇന്ത്യ, തുർക്കി, അംഗോള, കരീബിയൻ രാഷ്ട്രങ്ങളുടെ കൂട്ടായ്മയായ അസോസിയാസിയോൺ ദെ എസ്താദോസ് ദെൽ കരിബെ (Asociacion de Estados del Caribe) എന്നിവയെ പുതിയ നിരീക്ഷകരായി യോഗം സ്വാഗതം ചെയ്തു. ഇബേറോ-അമേരിക്കൻ കുടുംബത്തിനു പുറത്തുള്ള ഒരു രാജ്യത്തിന് കോൺഫറൻസിന്റെ യോഗങ്ങളിലും സഹകരണ പദ്ധതികളിലും പങ്കെടുക്കാൻ നിരീക്ഷക പദവി അവസരം നൽകുന്നു. സ്പെയിൻ, പോർച്ചുഗൽ, ലാറ്റിൻ അമേരിക്കൻ രാജ്യങ്ങൾ എന്നിവയുമായുള്ള ഉഭയകക്ഷി ബന്ധങ്ങൾക്കൊപ്പം ഇന്ത്യയ്ക്ക് ഒരു ബഹുരാഷ്ട്ര വേദി കൂടി ഇതോടെ ലഭിക്കുന്നു. സ്പെയിൻ മാഡ്രിഡിൽ ആതിഥ്യം വഹിച്ച ഇബേറോ-അമേരിക്കൻ ഉച്ചകോടിയുടെ ഔദ്യോഗിക പരിപാടിയുടെ ഭാഗമായിരുന്നു ഈ ചർച്ച. ലാറ്റിൻ അമേരിക്കയുടെയും കരീബിയന്റെയും വികസന ബാങ്കായ സിഎഎഫിന്റെ (CAF) പ്രസിഡന്റ് സെർജിയോ ദിയാസ്-ഗ്രനാദോസുമായി അൽബാരെസ് കൂടിക്കാഴ്ച നടത്തി. സ്പെയിനിന്റെ വികസന സഹകരണ ഏജൻസിയായ എഇസിഐഡിയിൽ (AECID) ജലവും കാലാവസ്ഥാ പ്രതിരോധശേഷിയും സംബന്ധിച്ച സംവാദവും നടന്നു. അന്നുതന്നെ ഇബേറോ-അമേരിക്കൻ വ്യവസായ സംഗമവും അദ്ദേഹം ഉദ്ഘാടനം ചെയ്തു.
പദങ്ങൾ
AEC Asociacion de Estados del Caribe — കരീബിയൻ കടലിനു ചുറ്റുമുള്ള രാജ്യങ്ങളുടെ കൂട്ടായ്മയായ അസോസിയേഷൻ ഓഫ് കരീബിയൻ സ്റ്റേറ്റ്സ്.
CAF Banco de Desarrollo de America Latina y el Caribe — ലാറ്റിൻ അമേരിക്കയുടെയും കരീബിയന്റെയും വികസന ബാങ്ക്.
AECID Agencia Espanola de Cooperacion Internacional para el Desarrollo — സ്പെയിനിന്റെ അന്താരാഷ്ട്ര വികസന സഹകരണ ഏജൻസി.