ഇന്ത്യ–ശ്രീലങ്ക സംയുക്ത സൈനികാഭ്യാസം മിത്ര ശക്തി (MITRA SHAKTI) 12-ാം പതിപ്പിന് ഇന്ത്യൻ സംഘം മധുരു ഓയയിലേക്ക്

13 നവംബർ 2026

ശ്രീലങ്കയുമായുള്ള സംയുക്ത സൈനികാഭ്യാസമായ മിത്ര ശക്തി 2026-ൽ (MITRA SHAKTI 2026) പങ്കെടുക്കാൻ 170 അംഗ ഇന്ത്യൻ പ്രതിരോധ സേനാ സംഘം പുറപ്പെട്ടു. ഇത് അഭ്യാസത്തിന്റെ 12-ാം പതിപ്പാണ്. 2026 നവംബർ 13 മുതൽ 26 വരെ മധുരു ഓയയിലെ ആർമി ട്രെയിനിങ് സ്കൂളിലാണ് (Army Training School) പരിശീലനം. ഇന്ത്യൻ സംഘത്തിലെ ഭൂരിഭാഗവും രജപുത്താന റൈഫിൾസിന്റെ (Rajputana Rifles) ഒരു ബറ്റാലിയനിൽ നിന്നാണ്. ഇന്ത്യൻ വ്യോമസേനാംഗങ്ങളും ഒപ്പമുണ്ട്. ഐക്യരാഷ്ട്രസഭയുടെ (United Nations) ചുമതലയ്ക്ക് കീഴിൽ അർധ-നഗര മേഖലയിലെ ഭീകരവിരുദ്ധ നടപടികളാണ് മുഖ്യ വിഷയം. റോഡ് തടയൽ, നഗര പട്രോളിങ്, വാഹനവ്യൂഹ സംരക്ഷണം, പതിയിരുന്നാക്രമണം, ആൾക്കൂട്ട നിയന്ത്രണം എന്നിവ പരിശീലിക്കും. ഇന്ത്യയിലും ശ്രീലങ്കയിലും മാറിമാറി നടക്കുന്ന വാർഷിക ഉഭയകക്ഷി അഭ്യാസമാണ് മിത്ര ശക്തി.