തദ്ദേശീയ വിവിധോദ്ദേശ്യ യുദ്ധക്കപ്പൽ 'സമർഥക്' ഒക്ടോബർ 16-ന് കാർവാറിൽ നാവികസേനയിൽ കമ്മിഷൻ ചെയ്യും

13 ഒക്ടോബർ 2026

2026 ഒക്ടോബർ 16-ന് കാർവാറിലെ നേവൽ ബേസിൽ വച്ച് 'സമർഥക്' കപ്പൽ നാവികസേന കമ്മിഷൻ ചെയ്യും. 'മേക്ക് ഇൻ ഇന്ത്യ' പദ്ധതിക്കു കീഴിൽ ലാർസൺ ആൻഡ് ടൂബ്രോ ലിമിറ്റഡ് നിർമിച്ച ഈ കപ്പൽ, നാവികസേനയിൽ ഉൾപ്പെടുത്തുന്ന നാല് വിവിധോദ്ദേശ്യ കപ്പലുകളിൽ ആദ്യത്തേതാണ്. പ്രധാനമായും സമുദ്ര നിരീക്ഷണത്തിനും പട്രോളിങ്ങിനുമായി രൂപകൽപ്പന ചെയ്ത ഇതിന് ലഘു തീവ്രതയുള്ള സമുദ്ര ദൗത്യങ്ങൾ, ലക്ഷ്യ വിന്യാസ-പരീക്ഷണ വേദി, ആളില്ലാ/സ്വയംനിയന്ത്രിത സംവിധാനങ്ങളുടെ മാതൃകപ്പൽ എന്നീ ചുമതലകളും നിർവഹിക്കാനാകും. മാനുഷിക സഹായ-ദുരന്ത നിവാരണ ദൗത്യങ്ങൾക്കും പരിമിതമായ ആശുപത്രിക്കപ്പലായി മാറ്റാനും ഇതിന് ശേഷിയുണ്ട്. തദ്ദേശീയ സെൻസറുകൾ, ആയുധങ്ങൾ, ഇലക്ട്രോണിക് സംവിധാനങ്ങൾ എന്നിവ ചേർന്നതാണ് ഇതിന്റെ സംയോജിത പോർമുഖ സംവിധാനം. തിരമാലകളിൽ നിന്ന് ഉയർന്നുവരുന്ന ഇന്ത്യൻ ആനയാണ് ഇതിന്റെ ചിഹ്നം; 'വിജയമാണ് ഞങ്ങളുടെ ഏക ലക്ഷ്യം' എന്നതാണ് ആപ്തവാക്യം.