അന്താരാഷ്ട്ര വൻപൂച്ച സഖ്യത്തിന് ന്യൂഡൽഹിയിലെ 55 ലോധി എസ്റ്റേറ്റിൽ പുതിയ ആസ്ഥാനം

12 ഒക്ടോബർ 2026

കേന്ദ്ര പരിസ്ഥിതി മന്ത്രി ഭൂപേന്ദർ യാദവ് ന്യൂഡൽഹിയിലെ 55 ലോധി എസ്റ്റേറ്റിൽ അന്താരാഷ്ട്ര വൻപൂച്ച സഖ്യത്തിന്റെ പുതിയ ഓഫീസ് ഉദ്ഘാടനം ചെയ്തു. സിംഹം, കടുവ, പുള്ളിപ്പുലി, ഹിമപ്പുലി, ചീറ്റ, ജാഗ്വർ, പ്യൂമ എന്നീ ഏഴ് വൻപൂച്ചകളുടെ സംരക്ഷണത്തിനായി ഇന്ത്യ ആസ്ഥാനമായി ഉടമ്പടിയുടെ അടിസ്ഥാനത്തിൽ രൂപീകരിച്ച അന്തർസർക്കാർ സംഘടനയാണിത്. അഞ്ചു വർഷത്തേക്ക് (2023-24 മുതൽ 2027-28 വരെ) 150 കോടി രൂപയുടെ പ്രാരംഭ വിഹിതം ഇന്ത്യ വാഗ്ദാനം ചെയ്തിട്ടുണ്ട്. ഇന്ത്യ ഉൾപ്പെടെ 29 രാജ്യങ്ങൾ അംഗങ്ങളായി; 5 രാജ്യങ്ങൾ നിരീക്ഷകരാണ്, മറ്റ് 11 രാജ്യങ്ങൾ അംഗത്വത്തിന് സമ്മതം അറിയിച്ചു. ഡോ. എസ്.പി. യാദവാണ് സഖ്യത്തിന്റെ ഡയറക്ടർ ജനറൽ.