ഇഎസ്ഐസി ഗുണഭോക്താക്കൾക്ക് പുതുച്ചേരിയിൽ പണരഹിത ചികിത്സ: ജിപ്മെറും ഇഎസ്ഐസിയും ധാരണാപത്രം ഒപ്പുവച്ചു

18 സെപ്റ്റംബർ 2026

ജവഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ്ഗ്രാജുവേറ്റ് മെഡിക്കൽ എജ്യുക്കേഷൻ ആൻഡ് റിസർച്ചും (ജിപ്മെർ) എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷനും (ഇഎസ്ഐസി) പുതുച്ചേരിയിൽ ധാരണാപത്രം ഒപ്പുവച്ചു.
ഇഎസ്ഐസി ഗുണഭോക്താക്കൾക്കും അവരുടെ ആശ്രിതർക്കും ജിപ്മെറിൽ പണരഹിത ചികിത്സാ സേവനങ്ങൾ ഇതിലൂടെ ലഭിക്കും.
ഔട്ട്പേഷ്യന്റ്, ഇൻപേഷ്യന്റ് ചികിത്സ, രോഗനിർണയ സേവനങ്ങൾ, അടിയന്തര ചികിത്സ, ശസ്ത്രക്രിയകൾ, പ്രത്യേക വൈദ്യശാസ്ത്ര നടപടിക്രമങ്ങൾ എന്നിവ കരാറിന്റെ പരിധിയിൽ വരുന്നു.
ഗുണഭോക്താവിന്റെ പരിശോധനയ്ക്കും തുടർന്ന് ഇഎസ്ഐസിയെ അറിയിക്കുന്നതിനും വിധേയമായി, മുൻകൂർ റഫറൽ ഇല്ലാതെ അടിയന്തര ചികിത്സ തേടാം.
ഇഎസ്ഐസി സംവിധാനത്തിലൂടെ ഓൺലൈൻ റഫറലുകൾക്കും ധാരണാപത്രം വ്യവസ്ഥ ചെയ്യുന്നു.
തുടക്കത്തിൽ രണ്ടു വർഷത്തേക്കാണ് കാലാവധി; പരസ്പര സമ്മതത്തോടെ ഒരു വർഷം കൂടി നീട്ടാം.