തിരുവിതാംകൂർ ദേവസ്വം ബോർഡിലെ പ്രസ്, ഗോൾഡ് സ്മിത്ത് തസ്തികകളിലേക്കുള്ള ഇന്റർവ്യൂ ഒക്ടോബർ 26ന്

16 ഒക്ടോബർ 2026

തിരുവിതാംകൂർ ദേവസ്വം ബോർഡിന് കീഴിലുള്ള വിവിധ തസ്തികകളിലേക്കുള്ള ഇന്റർവ്യൂവും പ്രായോഗിക പരീക്ഷയും ഒക്ടോബർ 26ന് കേരള ദേവസ്വം റിക്രൂട്ട്‌മെന്റ് ബോർഡ് നടത്തും.
കേരള ദേവസ്വം റിക്രൂട്ട്‌മെന്റ് ബോർഡിന്റെ ഓഫീസിലാണ് പരീക്ഷകൾ.
അസിസ്റ്റന്റ് പ്രസ് മാനേജർ, അസിസ്റ്റന്റ് മെഷീൻ ഓപ്പറേറ്റർ, കമ്പോസിറ്റർ കം പ്രൂഫ് റീഡർ തസ്തികകളിലേക്കുള്ള ഇന്റർവ്യൂ രാവിലെ ഒൻപതിന് തുടങ്ങും.
ഗോൾഡ് സ്മിത്ത് തസ്തികയിലേക്കുള്ള പ്രായോഗിക പരീക്ഷയും ഇന്റർവ്യൂവും ഉച്ചയ്ക്ക് ശേഷം ഒന്നിന് ആരംഭിക്കും.
കൂടുതൽ വിവരങ്ങൾ www.kdrb.kerala.gov.in എന്ന വെബ്‌സൈറ്റിൽ ലഭിക്കും.
പി.എൻ.എക്‌സ്. 4336/2026 എന്ന പത്രക്കുറിപ്പായാണ് അറിയിപ്പ് നൽകിയത്.