കേരള നിയമസഭയുടെ പ്ലാറ്റിനം ജൂബിലി 2027 ഏപ്രിൽ 27 ന്; ആഘോഷങ്ങൾക്ക് കേരളപ്പിറവി ദിനത്തിൽ തുടക്കം

10 ഒക്ടോബർ 2026

സമ്മേളന ക്രമത്തോടൊപ്പം, കേരള നിയമസഭയുടെ പ്ലാറ്റിനം ജൂബിലി 2027 ഏപ്രിൽ 27 ന് ആഘോഷിക്കുമെന്ന് സ്പീക്കർ തിരുവഞ്ചൂർ രാധാകൃഷ്ണൻ അറിയിച്ചു. ആഘോഷ പരിപാടികൾ 2026 നവംബർ ഒന്നിന്, കേരളപ്പിറവി ദിനത്തിൽ ആരംഭിക്കും. മുൻ സ്പീക്കർമാർ, മുൻ ഡെപ്യൂട്ടി സ്പീക്കർമാർ, മുൻ അംഗങ്ങൾ, മുൻ സെക്രട്ടറിമാർ, നിയമസഭാ ജീവനക്കാർ എന്നിവരെ ഒരുമിച്ച് ചേർക്കുന്ന സ്നേഹസംഗമം ശങ്കരനാരായണൻ തമ്പി ഹാളിൽ നടക്കും. നിയമസഭയുടെ പുസ്തകോത്സവത്തിന്റെ അഞ്ചാം പതിപ്പ് കേരള നിയമസഭ അന്താരാഷ്ട്ര സാഹിത്യോത്സവമായി ജനുവരി 7 മുതൽ 13 വരെ നടക്കും. അംഗങ്ങൾക്കായി പമ്പാ ബ്ലോക്കിൽ നിർമിച്ച ഫ്ലാറ്റുകളുടെ താക്കോൽ കൈമാറ്റം ഒക്ടോബർ 26 ന് വൈകിട്ട് 4.30 ന് നടക്കും.