യുവ ഡോക്യുമെന്ററി ചലച്ചിത്ര പ്രവർത്തകർക്കായി പ്രത്യേക പദ്ധതി: സാംസ്കാരിക മന്ത്രി

29 സെപ്റ്റംബർ 2026

യുവ ഡോക്യുമെന്ററി ചലച്ചിത്ര പ്രവർത്തകരെ പ്രോത്സാഹിപ്പിക്കാൻ പ്രത്യേക പദ്ധതി സർക്കാർ ആലോചിക്കുന്നതായി സാംസ്കാരിക മന്ത്രി പി. സി. വിഷ്ണുനാഥ് 2026 സെപ്റ്റംബർ 25-ന് പറഞ്ഞു. തിരുവനന്തപുരം കൈരളി തിയറ്ററിൽ പതിനെട്ടാമത് അന്താരാഷ്ട്ര ഡോക്യുമെന്ററി ഹ്രസ്വചലച്ചിത്ര മേള ഉദ്ഘാടനം ചെയ്യുകയായിരുന്നു അദ്ദേഹം. കേരള സംസ്ഥാന ചലച്ചിത്ര അക്കാദമി, ഫിലിം സൊസൈറ്റികൾ, സർവകലാശാലകൾ, മാധ്യമസ്ഥാപനങ്ങൾ എന്നിവയെ കോർത്തിണക്കിയാകും പദ്ധതി. മേളയ്ക്ക് തിരഞ്ഞെടുത്ത 31 ചിത്രങ്ങൾക്ക് പ്രദർശനാനുമതി ലഭിച്ചിട്ടില്ലെന്നും അവ പ്രദർശിപ്പിക്കാൻ സർക്കാർ നിയമപരമായി ശ്രമിക്കുകയാണെന്നും മന്ത്രി പറഞ്ഞു. അടൂർ ഗോപാലകൃഷ്ണൻ മുഖ്യാതിഥിയായിരുന്നു.