പോലീസ് സേനയിലേക്ക് ലഹരിവിരുദ്ധ, തീവ്രവാദവിരുദ്ധ പ്രവർത്തനങ്ങൾക്കായി പുതിയ 164 വാഹനങ്ങൾ

14 ഒക്ടോബർ 2026

പുതിയ 164 പോലീസ് വാഹനങ്ങളുടെ ഫ്ലാഗ് ഓഫ് തൈക്കാട് പോലീസ് ട്രെയിനിങ് കോളേജിൽ ആഭ്യന്തര മന്ത്രി രമേശ് ചെന്നിത്തല നിർവഹിച്ചു.
ഡാൻസാഫ് ഉൾപ്പെടെയുള്ളവയുടെ ലഹരിവിരുദ്ധ പ്രവർത്തനങ്ങൾക്കായി 10.92 കോടി രൂപ ചെലവഴിച്ച് 84 വാഹനങ്ങൾ വാങ്ങി.
ജില്ലാ- റേഞ്ച്തല നാർക്കോട്ടിക് കൺട്രോൾ യൂണിറ്റുകൾക്കായി 5.04 കോടി രൂപയുടെ 24 വാഹനങ്ങൾ.
ജില്ലാ ആന്റി ടെററിസ്റ്റ് സ്‌ക്വാഡ്, ഇന്റലിജൻസ് വിങ് എന്നിവയുടെ തീവ്രവാദവിരുദ്ധ പ്രവർത്തനങ്ങൾക്കും കൗണ്ടർ ഇന്റലിജൻസിനുമായി 7.69 കോടി രൂപയുടെ 56 വാഹനങ്ങൾ.
ഏഷ്യൻ ഗെയിംസിൽ നേട്ടം കൈവരിച്ച അസിസ്റ്റന്റ് കമാൻഡന്റ് സജൻ പ്രകാശ്, ഹവിൽദാർമാരായ മനു ടി. എസ്., അൻസ ബാബു, എറിൻ വർഗീസ് എന്നിവരെ മന്ത്രി അനുമോദിച്ചു.
സംസ്ഥാന പോലീസ് മേധാവി റവാഡ ആസാദ് ചന്ദ്രശേഖർ അധ്യക്ഷനായിരുന്നു.