'അഡ്വെഞ്ചർ ആക്ടിവിറ്റി അസിസ്റ്റന്റ്' കോഴ്സിന്റെ ആറാമത് ബാച്ചിലേക്ക് അപേക്ഷ ക്ഷണിച്ചു

10 നവംബർ 2026

കേരളത്തിലെ സാഹസിക ടൂറിസം പരിശീലന പരിപാടിയായ 'അഡ്വെഞ്ചർ ആക്ടിവിറ്റി അസിസ്റ്റന്റ്' കോഴ്സിന്റെ ആറാമത് ബാച്ചിലേക്ക് അപേക്ഷ ക്ഷണിച്ചു. ടൂറിസം വകുപ്പിന് കീഴിൽ പ്രവർത്തിക്കുന്ന കേരള അഡ്വെഞ്ചർ ടൂറിസം പ്രമോഷൻ സൊസൈറ്റിയും കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസും (കിറ്റ്സ്) സംയുക്തമായാണ് കോഴ്സ് നടത്തുന്നത്. ഏഴ് ദിവസമാണ് പരിശീലന കാലാവധി. എട്ടാം ക്ലാസ് പാസായവരും, 2026 ഒക്ടോബർ ഒന്നിന് 18 വയസ്സ് തികഞ്ഞവരും 45 കവിയാത്തവരുമായ നല്ല ശാരീരിക ക്ഷമതയുള്ളവർക്ക് അപേക്ഷിക്കാം. ബാച്ച് നവംബർ 17-ന് ആരംഭിക്കും. വെള്ളക്കടലാസിൽ തയ്യാറാക്കിയ അപേക്ഷ നവംബർ 13-നകം 'ഡയറക്ടർ, കേരള ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ സ്റ്റഡീസ്, റെസിഡൻസി, തൈക്കാട്, തിരുവനന്തപുരം - 695014' എന്ന വിലാസത്തിൽ ലഭ്യമാക്കണം. സാഹസിക ടൂറിസം പ്രവർത്തനങ്ങൾക്ക് പരിശീലനം നേടിയ ജോലിക്കാരെ ഒരുക്കാനുള്ള സംസ്ഥാന ശ്രമത്തിന്റെ ഭാഗമാണ് ഈ കോഴ്സ്.