പട്ടികജാതി ഉദ്യോഗാർഥികൾക്കായി കൊല്ലം ജില്ലാ പഞ്ചായത്തിന്റെ 'നിബോധിത' പദ്ധതിയിലേക്ക് അപേക്ഷ ക്ഷണിച്ചു
16 ഒക്ടോബർ 2026
പട്ടികജാതി വിഭാഗത്തിലുള്ളവരെ മത്സരപരീക്ഷകൾക്ക് സജ്ജമാക്കുന്ന 'നിബോധിത' പദ്ധതിയിലേക്ക് കൊല്ലം ജില്ലാ പഞ്ചായത്ത് അപേക്ഷ ക്ഷണിച്ചു.
എസ്.എസ്.എൽ.സി അല്ലെങ്കിൽ അതിനു മുകളിൽ യോഗ്യതയുള്ളവരും തൊഴിൽ താത്പര്യമുള്ളവരും ഗ്രാമസഭ ലിസ്റ്റിൽ ഉൾപ്പെട്ടവരുമായ പട്ടികജാതി വിഭാഗക്കാർക്ക് അപേക്ഷിക്കാം.
കൊല്ലം സിവിൽ സ്റ്റേഷൻ മൂന്നാം നിലയിലെ ജില്ലാ പട്ടികജാതി വികസന ഓഫീസിൽ ഒക്ടോബർ 31ന് വൈകിട്ട് അഞ്ച് മണിക്ക് മുൻപ് അപേക്ഷ എത്തിക്കണം.
ജാതി സർട്ടിഫിക്കറ്റ്, വരുമാന സർട്ടിഫിക്കറ്റ്, വിദ്യാഭ്യാസ യോഗ്യതാ രേഖ, റേഷൻ കാർഡ്, ആധാർ കാർഡ് എന്നിവ ഉൾപ്പെടുത്തണം.
ജില്ലാ പഞ്ചായത്ത്, ജില്ലാ പട്ടികജാതി വികസന ഓഫീസ്, ബ്ലോക്ക് പട്ടികജാതി വികസന ഓഫീസ് എന്നിവിടങ്ങളിൽ അപേക്ഷാ ഫോം ലഭിക്കും.
കോർപറേഷൻ, മുൻസിപ്പാലിറ്റി പ്രദേശങ്ങളിൽ താമസിക്കുന്നവർ അപേക്ഷിക്കേണ്ടതില്ല. വിവരങ്ങൾക്ക് 0474-2794996.
പദങ്ങൾ
Gram Sabha Village assembly — പഞ്ചായത്ത് വാർഡിലെ മുഴുവൻ വോട്ടർമാരുടെയും സഭ; ഇത് ഗുണഭോക്തൃ പട്ടിക അംഗീകരിക്കുന്നു.