വാർധക്യത്തെക്കുറിച്ചുള്ള അന്താരാഷ്ട്ര സമ്മേളനത്തിന് മുന്നോടിയായി കോഴിക്കോട്ട് വയോജന സംഗമം
18 ഒക്ടോബർ 2026
ദേവഗിരി കോളേജിലെ സോഷ്യൽ വർക്ക് വിഭാഗം 2027 ജനുവരി 15ന് നടത്തുന്ന കൊളാബ്രേ-27 അന്താരാഷ്ട്ര സമ്മേളനത്തിന് മുന്നോടിയായാണ് കോഴിക്കോട്ട് വയോജന സംഗമം നടത്തിയത്.
സമ്മേളനത്തിന്റെ ബുക്‌ലെറ്റ് പ്രകാശനവും ചടങ്ങിൽ നടന്നു.
ആരോഗ്യകരമായ വാർധക്യം എന്ന വിഷയത്തിൽ ദേവഗിരി കോളേജ് വൈസ് പ്രിൻസിപ്പൽ ഫാ. ഡോ. സുനിൽ ജോസ് സി.എം.ഐ. ക്ലാസ്സെടുത്തു.
മുതിർന്ന പൗരന്മാരുടെ വിവിധ കലാപരിപാടികളും അരങ്ങേറി.
എൽ.എസ്.ജി.ഡി. ഡെപ്യൂട്ടി ഡയറക്ടർ കെ.വി. രവികുമാർ, കോർപറേഷൻ കൗൺസിലർ ടി.എസ്. ഷിംജിത്ത്, ദേവഗിരി കോളേജ് പ്രിൻസിപ്പൽ ഫാ. ബിജു ജോസഫ്, ഡോ. ഷീബ നൈനാൻ, കോളേജ് വിദ്യാർഥികൾ, കുണ്ടൂപറമ്പ് പകൽ വീടിലെ അംഗങ്ങൾ തുടങ്ങിയവർ പങ്കെടുത്തു.
പദങ്ങൾ
LSGD Local Self Government Department — പഞ്ചായത്തുകളും നഗരസഭകളും നിയന്ത്രിക്കുന്ന കേരള വകുപ്പ്.