14 ജില്ലാ മിഷന്‍ കോ-ഓര്‍ഡിനേറ്റര്‍, 52 അസിസ്റ്റന്റ് കോ-ഓര്‍ഡിനേറ്റര്‍ തസ്തികകളിലേക്ക് കുടുംബശ്രീ ഡെപ്യൂട്ടേഷന്‍ അപേക്ഷ ക്ഷണിച്ചു
17 ഒക്ടോബർ 2026
ജില്ലാ മിഷന്‍ കോ-ഓര്‍ഡിനേറ്റര്‍, ജില്ലാ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ തസ്തികകളിലേക്ക് ഡെപ്യൂട്ടേഷന്‍ വ്യവസ്ഥയില്‍ കുടുംബശ്രീ സംസ്ഥാന ദാരിദ്ര്യ നിര്‍മാര്‍ജന മിഷന്‍ അപേക്ഷ ക്ഷണിച്ചു.
14 ജില്ലാ മിഷന്‍ കോ-ഓര്‍ഡിനേറ്റര്‍ തസ്തികകളും 52 ജില്ലാ മിഷന്‍ അസിസ്റ്റന്റ് കോ-ഓര്‍ഡിനേറ്റര്‍ തസ്തികകളുമാണ് പ്രതീക്ഷിക്കുന്ന ഒഴിവുകള്‍.
തസ്തികയ്ക്ക് അനുയോജ്യമായ ശമ്പള സ്‌കെയിലുള്ള സര്‍വീസിലുള്ള സര്‍ക്കാര്‍ ഉദ്യോഗസ്ഥര്‍ക്ക് അപേക്ഷിക്കാം.
നിര്‍ദിഷ്ട ഫോമില്‍, മാതൃവകുപ്പിന്റെ നിരാക്ഷേപ സാക്ഷ്യപത്രത്തോടൊപ്പമാണ് അപേക്ഷ നല്‍കേണ്ടത്.
അപേക്ഷ അയയ്‌ക്കേണ്ടത് എക്‌സിക്യൂട്ടീവ് ഡയറക്ടര്‍, കുടുംബശ്രീ സംസ്ഥാന ദാരിദ്ര്യ നിര്‍മാര്‍ജന മിഷന്‍, തിരുവനന്തപുരം 695011 എന്ന വിലാസത്തിലാണ്.
അപേക്ഷിക്കാനുള്ള അവസാന തീയതി ഒക്ടോബര്‍ 31. വിശദവിവരങ്ങള്‍ www.kudumbashree.org എന്ന വെബ്‌സൈറ്റില്‍ ലഭ്യമാണ്.
പദങ്ങൾ
Deputation Deputation appointment — സര്‍വീസിലുള്ള ഒരു ഉദ്യോഗസ്ഥനെ മാതൃതസ്തിക നഷ്ടപ്പെടാതെ മറ്റൊരു വകുപ്പിലോ ഏജന്‍സിയിലോ താത്കാലികമായി നിയമിക്കുന്ന രീതി.
NOC No Objection Certificate — പുതിയ നിയമനം സ്വീകരിക്കാന്‍ മാതൃവകുപ്പ് നല്‍കുന്ന രേഖാമൂലമുള്ള സമ്മതപത്രം.