മേതിൽ രാധാകൃഷ്ണന് എഴുത്തച്ഛൻ പുരസ്കാരം

1 നവംബർ 2026

എഴുത്തുകാരൻ മേതിൽ രാധാകൃഷ്ണനെ ഈ വർഷത്തെ എഴുത്തച്ഛൻ പുരസ്കാരത്തിന് തിരഞ്ഞെടുത്തു. മലയാള സാഹിത്യത്തിന് നൽകിയ ആജീവനാന്ത സംഭാവനയ്ക്ക് കേരള സർക്കാർ നൽകുന്ന ഏറ്റവും വലിയ ബഹുമതിയാണിത്.
കേരളപ്പിറവി ദിനത്തിൽ സാംസ്കാരിക വകുപ്പ് മന്ത്രി പി.സി. വിഷ്ണുനാഥ് ആണ് പ്രഖ്യാപനം നടത്തിയത്.
5 ലക്ഷം രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.
1944-ൽ പാലക്കാട് ജില്ലയിൽ ജനിച്ച മേതിൽ, 1970-ൽ 'സൂര്യവംശം' എന്ന നോവലിലൂടെയാണ് നോവൽ രംഗത്തെത്തിയത്.
'ബ്രാ', 'ചുവന്ന വിദൂഷകരുടെ അഞ്ചാംപതി' എന്നീ നോവലുകളും 'ഡിലൻ തോമസിന്റെ പന്ത്' എന്ന കഥാസമാഹാരവും പ്രധാന കൃതികളാണ്.
രണ്ടു പതിറ്റാണ്ടോളം എഴുത്തിൽ നിന്ന് മാറിനിന്ന അദ്ദേഹം നോർവേയിലെ ഒരു ഷിപ്പിംഗ് സ്ഥാപനത്തിൽ കമ്പ്യൂട്ടർ രംഗത്ത് ജോലി ചെയ്തു.
2016-ൽ സമഗ്ര സംഭാവനയ്ക്കുള്ള കേരള സാഹിത്യ അക്കാദമി പുരസ്കാരം അദ്ദേഹം നിരസിച്ചിരുന്നു.