കേരളത്തിലെ ദേശീയ ജലപാതകൾ: എൻ ഡബ്ല്യു-3, എൻ ഡബ്ല്യു-8, എൻ ഡബ്ല്യു-9

വിശദ വായന

കേരളത്തിൽ വിജ്ഞാപനം ചെയ്ത ദേശീയ ജലപാതകളായ എൻ ഡബ്ല്യു-3, എൻ ഡബ്ല്യു-8, എൻ ഡബ്ല്യു-9 എന്നിവയിൽ ഇന്ത്യൻ ഉൾനാടൻ ജലപാത അതോറിറ്റി വിവിധ പ്രവൃത്തികൾ നടപ്പാക്കിയിട്ടുണ്ട്.
ചരക്ക് കൈകാര്യത്തിനായി കൊട്ടപ്പുറം, ആലുവ, മരട്, വൈക്കം, തണ്ണീർമുക്കം, ആലപ്പുഴ, തൃക്കുന്നപ്പുഴ, കായംകുളം, കൊല്ലം എന്നിവിടങ്ങളിൽ ഒൻപത് ഉൾനാടൻ ജലഗതാഗത ടെർമിനൽ കം ഗോഡൗണുകൾ നിർമിച്ചു.
കൊച്ചി നഗരത്തിലെ തിരക്ക് കുറയ്ക്കാൻ എൻ ഡബ്ല്യു-3-ൽ ബോൾഗാട്ടി, വില്ലിംഗ്ടൺ ഐലൻഡ് എന്നിവിടങ്ങളിൽ രണ്ട് റോൾ ഓൺ - റോൾ ഓഫ് (റോ-റോ) ടെർമിനലുകൾ നിർമിച്ചു.
കൊച്ചി കപ്പൽശാല ലിമിറ്റഡ് മുഖേന രണ്ട് റോ-റോ വെസലുകൾ നിർമിച്ച്, കേരള ഷിപ്പിംഗ് ആൻഡ് ഇൻലാൻഡ് നാവിഗേഷൻ കോർപ്പറേഷൻ മുഖേന ബോൾഗാട്ടിക്കും വില്ലിംഗ്ടൺ ഐലൻഡിനും ഇടയിൽ സർവീസ് നടത്തുന്നു.
ഇരുപത്തിനാല് മണിക്കൂറും സുരക്ഷിത സഞ്ചാരത്തിനായി എൻ ഡബ്ല്യു-3-ൽ 312, എൻ ഡബ്ല്യു-8-ൽ 15, എൻ ഡബ്ല്യു-9-ൽ 25 എന്ന ക്രമത്തിൽ നാവിഗേഷണൽ ബോയകൾ സ്ഥാപിച്ചു.
എൻ ഡബ്ല്യു-3-ലെ റിവർ ക്രൂസ് ടൂറിസത്തിനായി വൈക്കം, തണ്ണീർമുക്കം, ആലപ്പുഴ, കായംകുളം ടെർമിനലുകളിൽ നാല് എച്ച് ഡി പി ഇ ജെട്ടികൾ നിർമിക്കാൻ പദ്ധതിയുണ്ട്.