കേന്ദ്ര ഹെവി ഇൻഡസ്ട്രീസ് മന്ത്രാലയത്തിന് കീഴിലുള്ള പിഎം ഇ-ഡ്രൈവിന്റെ വിഹിതം 11,900 കോടി രൂപ

വിശദ വായന

പിഎം ഇ-ഡ്രൈവ് എന്നറിയപ്പെടുന്ന പിഎം ഇലക്ട്രിക് ഡ്രൈവ് റെവല്യൂഷൻ ഇൻ ഇന്നൊവേറ്റീവ് വെഹിക്കിൾ എൻഹാൻസ്മെന്റ് പദ്ധതി, മുൻകൂർ വാങ്ങൽ ആനുകൂല്യങ്ങളിലൂടെയും ചാർജിങ് അടിസ്ഥാന സൗകര്യ വികസനത്തിലൂടെയും വൈദ്യുത വാഹനങ്ങളുടെ വേഗത്തിലുള്ള സ്വീകാര്യതയെ പിന്തുണയ്ക്കുന്നു.
11,900 കോടി രൂപ ആകെ വിഹിതത്തോടെ രാജ്യവ്യാപകമായി ഇത് നടപ്പാക്കുന്നു; പദ്ധതി കാലാവധി 2028 മാർച്ച് 31 വരെ നീട്ടിയിട്ടുണ്ട്.
വൈദ്യുത ഇരുചക്ര വാഹനങ്ങൾ, രജിസ്റ്റർ ചെയ്ത ഇ-റിക്ഷകളും ഇ-കാർട്ടുകളും എൽ5 ഉൾപ്പെടെയുള്ള വൈദ്യുത മുച്ചക്ര വാഹനങ്ങൾ, ഇ-ആംബുലൻസുകൾ, ഇ-ട്രക്കുകൾ, ഇ-ബസുകൾ, ചാർജിങ് അടിസ്ഥാന സൗകര്യം, ടെസ്റ്റിങ് ഏജൻസികളുടെ നവീകരണം എന്നിവയാണ് ഉൾപ്പെടുന്ന വിഭാഗങ്ങൾ.
ഫാക്ടറി വില 1.5 ലക്ഷം രൂപ വരെയുള്ള രജിസ്റ്റർ ചെയ്ത വൈദ്യുത ഇരുചക്ര വാഹനങ്ങൾക്ക് ഒരു കിലോവാട്ട് മണിക്കൂറിന് 2,500 രൂപ, വാഹനത്തിന് പരമാവധി 5,000 രൂപ എന്ന നിരക്കിൽ ആനുകൂല്യം ലഭിക്കും; ഇതിനായി 2,767 കോടി രൂപ വകയിരുത്തിയിട്ടുണ്ട്.
14,028 ഇ-ബസുകൾ വിന്യസിക്കാൻ 4,391 കോടി രൂപ, രാജ്യവ്യാപകമായി പൊതു ചാർജിങ് സ്റ്റേഷനുകൾക്ക് 2,000 കോടി രൂപ, വാഹന ടെസ്റ്റിങ് ഏജൻസികളുടെ നവീകരണത്തിന് 780 കോടി രൂപ എന്നിവ നീക്കിവച്ചിട്ടുണ്ട്.
ഇ-വൗച്ചറുകളിലൂടെ ഡിമാൻഡ് ആനുകൂല്യം വിലയിൽ മുൻകൂർ കിഴിവായി വാങ്ങുന്നയാൾക്ക് ലഭിക്കും; ആ തുക പിന്നീട് കേന്ദ്ര ഹെവി ഇൻഡസ്ട്രീസ് മന്ത്രാലയം നിർമാതാവിന് തിരികെ നൽകും.