ദുരന്തപ്രതിരോധ അടിസ്ഥാനസൗകര്യ സഖ്യത്തിൽ ചേരാനുള്ള തീരുമാനം പോളണ്ട് പ്രഖ്യാപിച്ചു

22 ഒക്ടോബർ 2026

2026 ഒക്ടോബർ 21 മുതൽ 23 വരെ നടന്ന പോളണ്ട് പ്രധാനമന്ത്രി ഡൊണാൾഡ് ടസ്കിന്റെ ഔദ്യോഗിക ഇന്ത്യാ സന്ദർശനത്തിനിടെ 2026 ഒക്ടോബർ 22ന് ന്യൂഡൽഹിയിൽ ഇന്ത്യ-പോളണ്ട് സംയുക്ത പ്രസ്താവന പുറത്തിറക്കി. ദുരന്തപ്രതിരോധ അടിസ്ഥാനസൗകര്യ സഖ്യത്തിൽ (സിഡിആർഐ) ചേരാനുള്ള തീരുമാനം പോളണ്ട് ഈ പ്രസ്താവനയിൽ പ്രഖ്യാപിച്ചു. അന്താരാഷ്ട്ര സൗരോർജ സഖ്യത്തിലും ആഗോള ജൈവ ഇന്ധന സഖ്യത്തിലും ചേരാൻ ഇന്ത്യ പോളണ്ടിനെ ക്ഷണിച്ചു. ഇൻഡോ-പസഫിക് ഓഷ്യൻസ് ഇനിഷ്യേറ്റീവിൽ ചേരാനും ഇന്ത്യ ക്ഷണിച്ചു. യുഎൻഎഫ്‌സിസിസി പ്രക്രിയയോടും പാരിസ് ഉടമ്പടിയോടുമുള്ള പിന്തുണ ഇരു നേതാക്കളും ആവർത്തിച്ചു.