ലോകനായക് ജയപ്രകാശ് നാരായണനെയും നാനാജി ദേശ്മുഖിനെയും ജന്മവാർഷികദിനത്തിൽ പ്രധാനമന്ത്രി അനുസ്മരിച്ചു

11 ഒക്ടോബർ 2026

2026 ഒക്ടോബർ 11-ന് ലോകനായക് ജയപ്രകാശ് നാരായണനെയും നാനാജി ദേശ്മുഖിനെയും അവരുടെ ജന്മവാർഷികദിനത്തിൽ പ്രധാനമന്ത്രി നരേന്ദ്ര മോദി അനുസ്മരിച്ചു. ജെപിയുടെ സ്വാധീനം തലമുറകൾക്കപ്പുറം എത്തിയെന്നും അടിയന്തരാവസ്ഥക്കാലത്തെ അദ്ദേഹത്തിന്റെ നിർഭയ ശബ്ദം ശ്രദ്ധേയമായിരുന്നെന്നും പ്രധാനമന്ത്രി പറഞ്ഞു. സദ്ഭരണത്തോടും സമൂഹത്തിന്റെ പാർശ്വവൽകൃത വിഭാഗങ്ങളിലേക്ക് എത്തുന്നതിനോടുമുള്ള ജെപിയുടെ പ്രതിബദ്ധതയും അദ്ദേഹം ഓർമിപ്പിച്ചു. യഥാർഥ പരിവർത്തനം അടിത്തട്ടിൽ നിന്നാണ് തുടങ്ങുന്നതെന്ന് തെളിയിച്ച മികച്ച രാഷ്ട്രനിർമാതാവായി നാനാജി ദേശ്മുഖിനെ അദ്ദേഹം വിശേഷിപ്പിച്ചു. രാഷ്ട്രീയ ബോധ്യവും ക്രിയാത്മക സാമൂഹിക പ്രവർത്തനവും സമന്വയിപ്പിച്ച നാനാജി ഗ്രാമവികസനത്തിനും സാമൂഹിക പങ്കാളിത്തത്തിനുമായി ജീവിതം സമർപ്പിച്ചു.