റിസർവ് ബാങ്ക് 36-ാമത് സ്റ്റേറ്റ് ഫിനാൻസ് സെക്രട്ടറീസ് കോൺഫറൻസ് നടത്തി

27 ഒക്ടോബർ 2026

'സംസ്ഥാനങ്ങളുടെ ധനസ്ഥിരത മെച്ചപ്പെടുത്തുന്നതിൽ ചെലവിന്റെ ഗുണനിലവാരം, കാര്യക്ഷമമായ ക്യാഷ് മാനേജ്മെന്റ്, വിവേകപൂർണ്ണമായ കടം കൈകാര്യം ചെയ്യൽ എന്നിവയുടെ പങ്ക്' എന്ന വിഷയത്തിൽ റിസർവ് ബാങ്ക് ഓഫ് ഇന്ത്യ 36-ാമത് സ്റ്റേറ്റ് ഫിനാൻസ് സെക്രട്ടറീസ് കോൺഫറൻസ് നടത്തി. 27 സംസ്ഥാനങ്ങളിലെയും മൂന്ന് കേന്ദ്രഭരണ പ്രദേശങ്ങളിലെയും ധനകാര്യ സെക്രട്ടറിമാർ പങ്കെടുത്തു. ധനമന്ത്രാലയം, കൺട്രോളർ ജനറൽ ഓഫ് അക്കൗണ്ട്സ്, കംപ്ട്രോളർ ആൻഡ് ഓഡിറ്റർ ജനറൽ ഓഫ് ഇന്ത്യ എന്നിവയുടെ ഉയർന്ന ഉദ്യോഗസ്ഥരും എത്തി. ദീർഘകാല ധനസ്ഥിരതയ്ക്കായി ചെലവിന്റെ ഗുണനിലവാരം മെച്ചപ്പെടുത്തണമെന്നും വിവേകപൂർണ്ണമായ കടമെടുപ്പ് രീതികളും കാര്യക്ഷമമായ ക്യാഷ് മാനേജ്മെന്റും സ്വീകരിക്കണമെന്നും ആർ.ബി.ഐ. ഗവർണർ സഞ്ജയ് മൽഹോത്ര പറഞ്ഞു. യൂണിഫൈഡ് ലെൻഡിങ് ഇന്റർഫേസ് (യു.എൽ.ഐ.) സംസ്ഥാനങ്ങൾ സ്വീകരിക്കണമെന്നും, നേരിട്ടുള്ള ആനുകൂല്യ കൈമാറ്റത്തിന് പ്രോഗ്രാമബിൾ സെൻട്രൽ ബാങ്ക് ഡിജിറ്റൽ കറൻസി ഉപയോഗിക്കണമെന്നും, സ്റ്റേറ്റ് ലെവൽ ബാങ്കേഴ്സ് കമ്മിറ്റി വേദി കാര്യക്ഷമമായി ഉപയോഗിക്കണമെന്നും അദ്ദേഹം ആവശ്യപ്പെട്ടു. സംസ്ഥാനങ്ങളുടെ വിപണി കടമെടുപ്പ്, റിസർവ് ബാങ്കിൽ നിന്നുള്ള ഹ്രസ്വകാല സാമ്പത്തിക സഹായം, ബെഞ്ച്മാർക്ക് ഇഷ്യുവൻസ് സ്ട്രാറ്റജി സ്വീകരിക്കൽ എന്നിവ സമ്മേളനം ചർച്ച ചെയ്തു. 'കംപെൻഡിയം ഓൺ ക്യാഷ് ആൻഡ് ഡെറ്റ് മാനേജ്മെന്റ് ഫോർ സ്റ്റേറ്റ് ഗവൺമെന്റ്സ്' എന്ന പുസ്തകം ഗവർണർ പ്രകാശനം ചെയ്തു.