91,179 പേർ പങ്കെടുത്ത യോഗ-ആത്മരക്ഷാ ദിനത്തോടെ നശാ മുക്ത് യുവ പ്രചാരണത്തിന്റെ രണ്ടാം മാസം ആരംഭിച്ചു

18 ഒക്ടോബർ 2026

യുവജനകാര്യ-കായിക മന്ത്രാലയം, മൈ ഭാരത്, ദേശീയ സേവാ പദ്ധതി എന്നിവ വഴി 2026 ഒക്ടോബർ 16-ന് രാജ്യവ്യാപകമായി യോഗ ഏവം ആത്മസുരക്ഷാ ദിവസ് ആചരിച്ചുകൊണ്ട് വികസിത ഭാരതത്തിനായുള്ള നശാ മുക്ത് യുവ 100 വാര സങ്കൽപ് അഭിയാന്റെ രണ്ടാം മാസം ആരംഭിച്ചു. ഫിറ്റ് യുവത്വം, ലഹരിമുക്ത യുവത്വം എന്ന പ്രമേയത്തിലാണു പ്രചാരണം രണ്ടാം മാസത്തിലേക്കു കടന്നത്. അഞ്ചാം വാരത്തിലെ പ്രവർത്തനങ്ങളിൽ രാജ്യമെമ്പാടുമുള്ള 183 വിദ്യാഭ്യാസ സ്ഥാപനങ്ങൾ, ദേശീയ സേവാ പദ്ധതി യൂണിറ്റുകൾ, ദത്തെടുത്ത ഗ്രാമങ്ങൾ എന്നിവിടങ്ങളിലായി 91,179 പേർ പങ്കെടുത്തു. 332 യോഗ സെഷനുകളിൽ 19,882 സ്ത്രീകളുൾപ്പെടെ 34,290 പേരും 311 ആത്മരക്ഷാ പ്രദർശനങ്ങളിൽ 18,364 സ്ത്രീകളുൾപ്പെടെ 31,507 പേരും പങ്കെടുത്തു. 180 സമൂഹ ബോധവൽക്കരണ പരിപാടികളിൽ 25,391 പേർ പങ്കാളികളായി. യോഗ സെഷനുകളിൽ കോമൺ യോഗ പ്രോട്ടോക്കോളും വിശ്രമ സങ്കേതങ്ങളും ഉപയോഗിച്ചു; ആത്മരക്ഷാ പ്രദർശനങ്ങളിൽ പ്രായോഗിക സുരക്ഷാ സങ്കേതങ്ങൾ, സാഹചര്യ ബോധം, വ്യക്തിസുരക്ഷ എന്നിവ ഉൾപ്പെട്ടു.