സെമികോൺ 2.0 വെബ് അപ്ലിക്കേഷൻ പോർട്ടൽ തുറന്നു; ഇലക്ട്രോണിക്സ് കോംപോണന്റ്സ് മാനുഫാക്ചറിങ് സ്കീമിൽ 12 അപേക്ഷകർക്ക് അനുമതി

6 നവംബർ 2026

കേന്ദ്രമന്ത്രി അശ്വിനി വൈഷ്ണവ് സെമികോൺ ഇന്ത്യ പ്രോഗ്രാമിനു കീഴിൽ സെമികോൺ 2.0 വെബ് അപ്ലിക്കേഷൻ പോർട്ടൽ (Semicon 2.0 Web Application Portal) ഉദ്ഘാടനം ചെയ്തു. പില്ലർ 2, 3, 4 എന്നിവയ്ക്കുള്ള അപേക്ഷകൾ ഇതുവഴി നൽകാം. ഇലക്ട്രോണിക്സ് കോംപോണന്റ്സ് മാനുഫാക്ചറിങ് സ്കീമിൽ (ECMS) 12 അപേക്ഷകർക്ക് അനുമതി നൽകിയതായും അദ്ദേഹം അറിയിച്ചു. ഇന്ത്യ സെമികണ്ടക്ടർ മിഷന് (ISM) കീഴിൽ 1,27,500 കോടി രൂപ വിഹിതത്തോടെ സെമികോൺ 2.0-ന് കേന്ദ്ര മന്ത്രിസഭ അനുമതി നൽകിയിരുന്നു. ആദ്യഘട്ടത്തിൽ ആറു സംസ്ഥാനങ്ങളിലായി 12 പദ്ധതികൾക്ക് അനുമതി ലഭിച്ചു; നിക്ഷേപം 1.64 ലക്ഷം കോടി രൂപയ്ക്കു മേൽ. ഇതിൽ 05 പദ്ധതികൾ വാണിജ്യ ഉൽപാദനം തുടങ്ങി. ചിപ്സ് ടു സ്റ്റാർട്ടപ്പ് (C2S) പ്രോഗ്രാമിലൂടെ 332 സ്ഥാപനങ്ങൾക്ക് ഇഡിഎ (EDA) ടൂളുകൾ ലഭിച്ചു.