യാചനയിൽ ഏർപ്പെട്ടവർക്ക് സംരക്ഷണവും പരിശീലനവും നൽകാൻ കൊല്ലം ജില്ലയിൽ സ്മൈൽ-ബി പദ്ധതി തുടങ്ങി

4 നവംബർ 2026

യാചനയിൽ ഏർപ്പെട്ടവരെ പുനരധിവസിപ്പിക്കാൻ കേന്ദ്ര സാമൂഹ്യനീതി ശാക്തീകരണ മന്ത്രാലയത്തിന്റെ (Ministry of Social Justice and Empowerment) സ്മൈൽ-ബി (SMILE-B) പദ്ധതി കൊല്ലം ജില്ലയിൽ തുടങ്ങി. സംരക്ഷണവും താമസസൗകര്യവും ഒപ്പം സ്വയംതൊഴിൽ, തൊഴിൽ പരിശീലനവും പദ്ധതി നൽകുന്നു. ഇതിലൂടെ അനാഥരായവരെ സമൂഹത്തിന്റെ മുഖ്യധാരയിലേക്ക് തിരികെ കൊണ്ടുവരാനാണ് ലക്ഷ്യം. കൊല്ലം നഗരത്തിൽ പദ്ധതിയുടെ നടത്തിപ്പ് കല്ലുവാതുക്കൽ ആസ്ഥാനമായ സമുദ്ര ചാരിറ്റബിൾ ട്രസ്റ്റിനെ ഏൽപ്പിച്ചു. സബ് കളക്ടറാണ് നോഡൽ ഓഫീസർ, തദ്ദേശ സ്വയംഭരണ സ്ഥാപനങ്ങൾ, പൊലീസ്, സന്നദ്ധ സംഘടനകൾ എന്നിവരുടെ സഹകരണത്തോടെയാണ് നടത്തിപ്പ്. ആരെങ്കിലും യാചിക്കുന്നത് കണ്ടാൽ പൊതുജനങ്ങൾക്കും സംഘടനകൾക്കും അധികൃതരെ അറിയിക്കാം. തുടർന്ന് ഒരു ഉദ്യോഗസ്ഥ സംഘം സ്ഥലത്ത് എത്തി രക്ഷാപ്രവർത്തനവും പുനരധിവാസവും തുടങ്ങും. കല്ലുവാതുക്കൽ സമുദ്ര തീരത്ത് എൻ.കെ, പ്രേമചന്ദ്രൻ എം.പി പദ്ധതി ഉദ്ഘാടനം ചെയ്തു, ജില്ലാ സാമൂഹ്യനീതി ഓഫീസർ എ.കെ, ഹരികുമാരൻ നായർ അധ്യക്ഷനായി.