വയോജന സൗഹൃദ പരാതി പരിഹാരം കാര്യക്ഷമമാക്കാൻ സംസ്ഥാന വയോജന കമ്മീഷൻ

26 സെപ്റ്റംബർ 2026

വയോജന സൗഹൃദ പരാതി പരിഹാര സംവിധാനം കൂടുതൽ കാര്യക്ഷമമാക്കാൻ സംസ്ഥാന വയോജന കമ്മീഷൻ തീരുമാനിച്ചു. റവന്യൂ ഡിവിഷണൽ ഓഫീസർമാരായ മെയിന്റനൻസ് ട്രൈബ്യൂണൽ പ്രിസൈഡിംഗ് ഓഫീസർമാരുടെ യോഗം തിരുവനന്തപുരത്ത് ചേർന്നാണ് തീരുമാനമെടുത്തത്. ട്രൈബ്യൂണൽ ഉത്തരവുകൾ യഥാസമയം നടപ്പാക്കാനുള്ള നടപടികൾ ഊർജിതമാക്കാനും യോഗം തീരുമാനിച്ചു. പരിപാലനക്കുറവ്, അവഗണന, സ്വത്ത് തർക്കം, സാമ്പത്തിക ചൂഷണം, ശാരീരിക-മാനസിക പീഡനം എന്നിവ സംബന്ധിച്ച പരാതികൾ സമയബന്ധിതമായി തീർപ്പാക്കുന്നത് യോഗം ചർച്ച ചെയ്തു. കമ്മീഷനും ട്രൈബ്യൂണലുകളും തമ്മിലുള്ള ഏകോപനം ശക്തിപ്പെടുത്തും. കമ്മീഷൻ ചെയർപേഴ്സൺ കെ. സോമപ്രസാദ്, അംഗങ്ങളായ അമരവിള രാമകൃഷ്ണൻ, കെ.എൻ.കെ. നമ്പൂതിരി, പ്രൊഫ. ലോപ്പസ് മാത്യു എന്നിവർ പങ്കെടുത്തു.