പുനരുപയോഗിക്കാവുന്ന അഗ്നിബാൺ വിക്ഷേപണ വാഹനം വികസിപ്പിക്കാൻ അഗ്നികുൽ കോസ്മോസിന് സാങ്കേതികവിദ്യാ വികസന ബോർഡിന്റെ പിന്തുണ

25 സെപ്റ്റംബർ 2026

ശാസ്ത്ര സാങ്കേതിക വകുപ്പിന് കീഴിലുള്ള സാങ്കേതികവിദ്യാ വികസന ബോർഡ് (ടിഡിബി), ചെന്നൈ ആസ്ഥാനമായ അഗ്നികുൽ കോസ്മോസ് പ്രൈവറ്റ് ലിമിറ്റഡുമായി പുനരുപയോഗിക്കാവുന്ന അഗ്നിബാൺ വിക്ഷേപണ വാഹനത്തിന്റെ വികസനത്തിനായി കരാർ ഒപ്പുവച്ചു. ടിഡിബിയുടെ ഗവേഷണ വികസന നൂതനാശയ (ആർഡിഐ) ഫണ്ടിന് കീഴിൽ, ഓപ്ഷണലി കൺവേർട്ടിബിൾ ഡിബഞ്ചറുകൾ വഴി ₹200 കോടിയുടെ പിന്തുണയാണ് നൽകുന്നത്. ഈ ധനസഹായം, വാഹനത്തെ സാങ്കേതിക സന്നദ്ധത നിലവാരം (ടിആർഎൽ)-4 ൽ നിന്ന് ടിആർഎൽ-8 ലേക്ക് ഉയർത്താൻ അഗ്നികുലിനെ സഹായിക്കും; പരമ്പരാഗത ഒറ്റ-ഘട്ട വീണ്ടെടുക്കലിന് പകരം സമ്പൂർണ്ണ പുനരുപയോഗക്ഷമതയാണ് ലക്ഷ്യം. ഭാരം കുറഞ്ഞ അപ്പർ സ്റ്റേജ്, ആഴത്തിൽ ത്രോട്ടിൽ ചെയ്യാനും വീണ്ടും ജ്വലിപ്പിക്കാനും കഴിയുന്ന അർദ്ധ-ക്രയോജനിക് ദ്രാവക പ്രൊപ്പൽഷൻ സംവിധാനം, നിയന്ത്രിത തിരിച്ചിറക്കത്തിനുള്ള ഡിസെന്റ് പ്രൊപ്പൽഷൻ സംവിധാനം എന്നിവയാണ് പ്രധാന സാങ്കേതിക മേഖലകൾ. ഭ്രമണപഥ ശേഷിയുള്ള അഗ്നിബാൺ വിക്ഷേപണ വാഹനവും, ഒറ്റ ഭാഗമായി ത്രിമാന അച്ചടിച്ച അഗ്നിലെറ്റ് എൻജിനും അഗ്നികുൽ നേരത്തെ വികസിപ്പിച്ചിരുന്നു. ഇന്ത്യയുടെ ബഹിരാകാശ ശേഷി മുന്നോട്ട് കൊണ്ടുപോകാൻ സ്ഥിരമായ നിക്ഷേപം ആവശ്യമുള്ള തദ്ദേശീയ സാങ്കേതികവിദ്യകളെ ഈ സംരംഭം പിന്തുണയ്ക്കുന്നുവെന്ന് ടിഡിബി സെക്രട്ടറി രാജേഷ് കുമാർ പഠക് പറഞ്ഞു.