ചീഫ് ജസ്റ്റിസ് ഓർമിപ്പിച്ച 1999-ലെ വിധി: പൊതുസ്ഥലത്തെ പുകവലി ആർട്ടിക്കിൾ 21-ന്റെ ലംഘനം

വിശദ വായന

കേരള ഹൈക്കോടതിയുടെ പ്ലാറ്റിനം ജൂബിലിയിൽ, പൊതുസ്ഥലത്തെ പുകവലി നിരോധിച്ച ഹൈക്കോടതി വിധി ചീഫ് ജസ്റ്റിസ് ഓഫ് ഇന്ത്യ അനുസ്മരിച്ചു.
കെ രാമകൃഷ്ണൻ v സ്റ്റേറ്റ് ഓഫ് കേരള (K Ramakrishnan v State of Kerala) കേസിൽ 1999 ജൂലൈ 12-നായിരുന്നു വിധി ജസ്റ്റിസ് കെ നാരായണ കുറുപ്പാണ് വിധിന്യായം എഴുതിയത്.
പുകവലിക്കാത്തവർ പുക ശ്വസിക്കേണ്ടി വരുന്നത് ആർട്ടിക്കിൾ 21 (Article 21) പ്രകാരമുള്ള ജീവിക്കാനുള്ള അവകാശത്തിന്റെ ലംഘനമാണെന്നും, അതിനാൽ പൊതുസ്ഥലത്തെ പുകവലി നിയമവിരുദ്ധവും ഭരണഘടനാവിരുദ്ധവുമാണെന്നും കോടതി വിധിച്ചു.
ഇന്ത്യൻ ശിക്ഷാ നിയമത്തിലെ (IPC) സെക്ഷൻ 268 പ്രകാരം പൊതുശല്യമായും, 1981-ലെ എയർ (പ്രിവൻഷൻ ആൻഡ് കൺട്രോൾ ഓഫ് പൊല്യൂഷൻ) ആക്ട് പ്രകാരം വായുമലിനീകരണമായും പുകവലിയെ കോടതി കണ്ടു.
നിയമം ഉണ്ടാക്കാൻ നിയമസഭയോട് ഉത്തരവിടാനാവില്ലെങ്കിലും നിലവിലുള്ള നിയമങ്ങൾ നടപ്പാക്കാൻ സർക്കാരിനെ നിർബന്ധിക്കാമെന്ന് കോടതി പറഞ്ഞു.
ക്രിമിനൽ നടപടി നിയമത്തിലെ (CrPC) സെക്ഷൻ 133 പ്രകാരം നിരോധന ഉത്തരവിറക്കാൻ ജില്ലാ കളക്ടർമാർക്കും നിയമലംഘകരെ പ്രോസിക്യൂട്ട് ചെയ്യാൻ പോലീസിനും നിർദേശം നൽകി.