'ഒരു പഞ്ചായത്തില്‍ ഒരു കളിക്കളം': അഗളി ഗ്രാമപഞ്ചായത്ത് സ്റ്റേഡിയം വികസനത്തിന് 50 ലക്ഷം
22 ഒക്ടോബർ 2026
കായിക യുവജനകാര്യ വകുപ്പിന്റെ 'ഒരു പഞ്ചായത്തില്‍ ഒരു കളിക്കളം' പദ്ധതിയുടെ ഭാഗമായി പാലക്കാട് ജില്ലയിലെ അഗളി ഗ്രാമപഞ്ചായത്ത് സ്റ്റേഡിയത്തിന്റെ അടിസ്ഥാന വികസനത്തിന് 50 ലക്ഷം രൂപ അനുവദിച്ചു. പുതുതായി പ്രഖ്യാപിച്ച 34 കളിക്കളങ്ങളുടെയും നീന്തല്‍ക്കുളങ്ങളുടെയും പട്ടികയിലാണ് അഗളി ഗ്രൗണ്ട് ഉള്‍പ്പെട്ടത്. മികച്ചൊരു മൈതാനം അട്ടപ്പാടിയുടെ കാലങ്ങളായുള്ള ആവശ്യമായിരുന്നു; നിലവില്‍ അഗളി, ഷോളയൂര്‍ സ്‌കൂളുകളില്‍ ചെറിയ ഗ്രൗണ്ടുകള്‍ മാത്രമാണുള്ളത്. അഗളി ഗ്രാമപഞ്ചായത്ത് പ്രസിഡന്റ് ഷിബു സിറിയക് മന്ത്രി എന്‍. ഷംസുദ്ദീന് നിവേദനം നല്‍കിയിരുന്നു. സ്ഥലപരിശോധനയും മറ്റ് പ്രാഥമിക നടപടികളും വരും ദിവസങ്ങളില്‍ ആരംഭിക്കും.
പദങ്ങൾ
Oru Panchayathil Oru Kalikkalam One Playground in One Panchayat — എല്ലാ പഞ്ചായത്തിലും ഒരു കളിക്കളം ഒരുക്കാനുള്ള കേരള കായിക യുവജനകാര്യ വകുപ്പിന്റെ പദ്ധതി.