നാലു ലിഥിയം, നിക്കൽ സംസ്കരണ പ്ലാന്റുകൾക്കു മൂലധന സഹായം നൽകാൻ മന്ത്രിസഭയുടെ അനുമതി

4 നവംബർ 2026

നിർണായക ധാതു സംസ്കരണം പ്രോത്സാഹിപ്പിക്കാനുള്ള ക്യാപിറ്റൽ എക്സ്പെൻഡിച്ചർ അസിസ്റ്റൻസ് സ്കീം ഫോർ പ്രൊമോഷൻ ഓഫ് ക്രിട്ടിക്കൽ മിനറൽ പ്രോസസിങ് (Capital Expenditure Assistance Scheme for Promotion of Critical Mineral Processing) പദ്ധതിക്കു കേന്ദ്ര മന്ത്രിസഭ അനുമതി നൽകി. 2,814 കോടി രൂപയാണ് വിഹിതം. നാലു പ്ലാന്റുകൾക്കാണ് സഹായം - കുറഞ്ഞത് 30,000 മെട്രിക് ടൺ ശേഷിയുള്ള രണ്ടു ലിഥിയം പ്ലാന്റുകൾ, കുറഞ്ഞത് 50,000 മെട്രിക് ടൺ ശേഷിയുള്ള രണ്ടു നിക്കൽ പ്ലാന്റുകൾ. നിക്കൽ സംസ്കരണത്തിൽ കോബാൾട്ട് ഉപോൽപ്പന്നമായി കിട്ടുമെന്നു പ്രതീക്ഷിക്കുന്നു. അർഹമായ നിക്ഷേപത്തിന്റെ 30 ശതമാനമാണ് മൂലധന സബ്സിഡി; ലിഥിയം പ്ലാന്റിന് പരമാവധി 500 കോടി രൂപ, നിക്കൽ പ്ലാന്റിന് 900 കോടി രൂപ. സാങ്കേതിക യോഗ്യതാ പരിശോധനയും പിന്നീട് ധനകാര്യ ലേലവും എന്ന രണ്ടു ഘട്ടത്തിലാണ് തിരഞ്ഞെടുപ്പ്. ഓരോ ധാതുവിനും ഏറ്റവും കുറഞ്ഞ സബ്സിഡി ചോദിക്കുന്ന രണ്ടു പേരെ തിരഞ്ഞെടുക്കും. 2026-27 മുതൽ 2030-31 വരെ അഞ്ചു വർഷമാണ് കാലാവധി.