സിവിൽ സർവീസ് ഉദ്യോഗസ്ഥർക്ക് നേതൃപ്രതിജ്ഞ രേഖപ്പെടുത്താനുള്ള കർമ്മയോഗി സങ്കൽപ കാബിനറ്റ് സെക്രട്ടറി ആരംഭിച്ചു
17 നവംബർ 2026
കാബിനറ്റ് സെക്രട്ടറി ഡോ ടി വി സോമനാഥൻ നവംബർ 17-ന് ഐഗോട്ട് കർമ്മയോഗി (iGOT Karmayogi) പ്ലാറ്റ്ഫോമിൽ കർമ്മയോഗി സങ്കൽപ (Karmayogi Sankalpa) ആരംഭിച്ചു. ന്യൂഡൽഹിയിലെ ഭാരത് മണ്ഡപത്തിൽ നീതി ആയോഗ് (NITI Aayog) സംഘടിപ്പിച്ച 'ലീഡർഷിപ്പ് ആസ് എ മിഷൻ' ദേശീയ ശില്പശാലയുടെ സമാപനത്തിലായിരുന്നു ഇത്. ഓരോ ഉദ്യോഗസ്ഥനും തന്റെ നേതൃശൈലിയിൽ വരുത്തുന്ന ഒരു വ്യക്തമായ മാറ്റം ഇതിൽ രേഖപ്പെടുത്തും. എവിടെ പ്രവർത്തിക്കും, ഏതു ഗുണങ്ങൾ വളർത്തും, ജനങ്ങൾ കാണുന്ന മാറ്റം എന്ത്, എന്തു നടപടിയെടുക്കും എന്നിവ പ്രതിജ്ഞയിൽ ഉണ്ടാകും. കർമ്മയോഗി ഭാരത് (Karmayogi Bharat) പ്രതിജ്ഞകൾ പിന്തുടരും; മന്ത്രാലയങ്ങളും സംസ്ഥാന സർക്കാരുകളും പരിശീലന സ്ഥാപനങ്ങളും ഇത് വ്യാപിപ്പിക്കും. സദ്ഭരണ ദിനമായി (Good Governance Day) ആചരിക്കുന്ന 2026 ഡിസംബർ 25-നകം 25,000 പ്രതിജ്ഞകളാണ് ലക്ഷ്യം. നരേന്ദ്ര മോദി ഭരണത്തലവനായി 25 വർഷം പൂർത്തിയാക്കിയതിന്റെ ഭാഗമായി നീതി ആയോഗ് നടത്തുന്ന അഞ്ച് ശില്പശാലകളിൽ ആദ്യത്തേതായിരുന്നു ഇത്.
പദങ്ങൾ
iGOT Integrated Government Online Training — സർക്കാർ ജീവനക്കാർക്കുള്ള മിഷൻ കർമ്മയോഗിയുടെ ഓൺലൈൻ പഠന പ്ലാറ്റ്ഫോം.
Karmayogi Bharat Special Purpose Vehicle of Mission Karmayogi — ഐഗോട്ട് പ്ലാറ്റ്ഫോം നടത്തുന്ന ലാഭേച്ഛയില്ലാത്ത കമ്പനി.