ഇന്ത്യൻ ഫോറസ്റ്റ് ആൻഡ് വുഡ് സർട്ടിഫിക്കേഷൻ സ്കീമിന് കീഴിലെ ആദ്യ പ്രമാൺ സർട്ടിഫിക്കറ്റുകൾ പരിസ്ഥിതി മന്ത്രി കൈമാറി

30 സെപ്റ്റംബർ 2026

ഇന്ത്യൻ ഫോറസ്റ്റ് ആൻഡ് വുഡ് സർട്ടിഫിക്കേഷൻ സ്കീമിന് (ഐഎഫ്ഡബ്ല്യുസിഎസ്) കീഴിലെ ഇന്ത്യയിലെ ആദ്യ പ്രമാൺ സർട്ടിഫിക്കറ്റുകൾ കേന്ദ്ര പരിസ്ഥിതി മന്ത്രി ഭൂപേന്ദർ യാദവ് കൈമാറി.
33,000 ഹെക്ടറിന് ആന്ധ്രാപ്രദേശ് ഫോറസ്റ്റ് ഡെവലപ്മെന്റ് കോർപ്പറേഷനും, ഒഡീഷ ബാംബൂ ഡെവലപ്മെന്റ് ഏജൻസിയുമായി ബന്ധമുള്ള മുള കർഷകൻ ശ്രീ ഗോവിന്ദ് മൊഹപാത്രയുമാണ് സർട്ടിഫിക്കറ്റ് ഏറ്റുവാങ്ങിയത്.
കാർഷിക വനവൽക്കരണത്തിന്റെയും പ്രകൃതിദത്ത വന വിഭവങ്ങളുടെയും സുസ്ഥിര പരിപാലന രീതികൾക്കുള്ള അംഗീകാരത്തിനും അക്രഡിറ്റേഷനുമുള്ള പരിപാടി എന്നാണ് പ്രമാൺ എന്നതിന്റെ പൂർണരൂപം.
2023 ഡിസംബറിൽ ആരംഭിച്ച പദ്ധതി ഭോപ്പാലിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഫോറസ്റ്റ് മാനേജ്മെന്റാണ് നടത്തുന്നത്.
ക്വാളിറ്റി കൗൺസിൽ ഓഫ് ഇന്ത്യയ്ക്ക് കീഴിലുള്ള നാഷണൽ അക്രഡിറ്റേഷൻ ബോർഡ് ഫോർ സർട്ടിഫിക്കേഷൻ ബോഡീസാണ് അക്രഡിറ്റേഷൻ നൽകുന്നത്.
ദേശീയ വർക്കിങ് പ്ലാൻ കോഡ് 2023, സ്വതന്ത്ര മൂന്നാം കക്ഷി ഓഡിറ്റുകൾ എന്നിവയാണ് സർട്ടിഫിക്കേഷന്റെ അടിസ്ഥാനം.