ഇന്ത്യയുടെ ആനുകൂല്യ വായ്പാ പരിധികൾ: ഏകദേശം 62 രാജ്യങ്ങൾക്ക് 26 ബില്യൺ യുഎസ് ഡോളറിലധികം

വിശദ വായന

ആനുകൂല്യ വായ്പാ പരിധികളുടെ (ലൈൻസ് ഓഫ് ക്രെഡിറ്റ്) രൂപത്തിലുള്ള വികസന സഹായം ഇന്ത്യൻ ഡെവലപ്‌മെന്റ് ആൻഡ് ഇക്കണോമിക് അസിസ്റ്റൻസ് സ്കീം (IDEAS) പ്രകാരം എക്സിം ബാങ്ക് ഓഫ് ഇന്ത്യ വഴിയാണ് കേന്ദ്ര സർക്കാർ നൽകുന്നത്.
ആകെ 260-ലധികം വായ്പാ പരിധികൾ വഴി 26 ബില്യൺ യുഎസ് ഡോളറിലധികം ഏകദേശം 62 രാജ്യങ്ങൾക്ക് അനുവദിച്ചിട്ടുണ്ട്.
റെയിൽവേ, റോഡ്, കൃഷി, വ്യവസായം, വിമാനത്താവളം, കായിക സ്റ്റേഡിയങ്ങൾ, തുറമുഖം, ആശുപത്രികൾ, ദുരന്ത നിവാരണം, ജലവൈദ്യുതി, വിദ്യുത് പ്രസരണം, വിവരസാങ്കേതികവിദ്യ തുടങ്ങിയ മേഖലകളിലെ ഏകദേശം 600 പദ്ധതികൾ ഇവയിൽ ഉൾപ്പെടുന്നു.
അയൽരാജ്യങ്ങൾക്ക് 'നെയ്ബർഹുഡ് ഫസ്റ്റ്' നയപ്രകാരം നൽകുന്ന മുൻഗണന അനുസരിച്ച് ബംഗ്ലാദേശിന് 7.86 ബില്യൺ യുഎസ് ഡോളർ, ശ്രീലങ്കയ്ക്ക് 2 ബില്യൺ ഡോളറിലധികം, മാലദ്വീപിന് 1.43 ബില്യൺ ഡോളർ, മൗറീഷ്യസിന് 1 ബില്യൺ ഡോളറിലധികം, നേപ്പാളിന് 750 മില്യൺ ഡോളർ, മ്യാൻമറിന് 745 മില്യൺ ഡോളർ എന്ന തോതിൽ വായ്പാ പരിധികൾ അനുവദിച്ചു.
ആഫ്രിക്കയ്ക്ക് ഏകദേശം 10 ബില്യൺ ഡോളർ വിലമതിക്കുന്ന 160-ലധികം വായ്പാ പരിധികളും ഏഷ്യയ്ക്ക് ഏകദേശം 60 വായ്പാ പരിധികളും നൽകിയിട്ടുണ്ട്.
ലാറ്റിൻ അമേരിക്കയിലെ പ്രതിജ്ഞാബദ്ധത 715 മില്യൺ ഡോളറിലധികവും ഓഷ്യാനിയ, സ്വതന്ത്ര രാഷ്ട്ര സമൂഹം എന്നിവയ്ക്ക് ഓരോന്നിനും ഏകദേശം 155 മില്യൺ ഡോളറുമാണ്.