വിദേശത്തെ ഇന്ത്യയുടെ ഗ്രാന്റ് സഹായ വികസന പദ്ധതികൾ: അഫ്ഗാൻ-ഇന്ത്യ ഫ്രണ്ട്ഷിപ്പ് ഡാം മുതൽ മൗറീഷ്യസ് മെട്രോ എക്സ്പ്രസ് വരെ
വിശദ വായന
പങ്കാളി രാജ്യങ്ങളുടെ വികസന മുൻഗണനകൾ അനുസരിച്ച് ഭൗതിക-സാമൂഹിക അടിസ്ഥാനസൗകര്യം, ശുദ്ധ ഊർജ പരിവർത്തനം ഉൾപ്പെടെയുള്ള ഊർജം, ബന്ധിപ്പിക്കൽ, ആരോഗ്യപരിപാലനവും വിദ്യാഭ്യാസവും, ദുരന്ത പ്രതിരോധശേഷി, ഡിജിറ്റൽ പൊതു അടിസ്ഥാനസൗകര്യം തുടങ്ങിയ മേഖലകളിൽ കേന്ദ്ര സർക്കാർ ഗ്രാന്റ് സഹായം നൽകുന്നു.
കഴിഞ്ഞ ദശകത്തിൽ അയൽരാജ്യങ്ങൾ, ഇന്ത്യൻ മഹാസമുദ്ര മേഖല, ലാറ്റിൻ അമേരിക്ക, കരീബിയൻ എന്നിവിടങ്ങളിലായി 80-ലധികം പദ്ധതികൾ പൂർത്തിയാക്കി.
അഫ്ഗാനിസ്ഥാനിലെ അഫ്ഗാൻ-ഇന്ത്യ ഫ്രണ്ട്ഷിപ്പ് ഡാമും പാർലമെന്റ് മന്ദിരവും പ്രധാന പദ്ധതികളിൽ ഉൾപ്പെടുന്നു.
മൗറീഷ്യസിൽ മെട്രോ എക്സ്പ്രസ്, സുപ്രീം കോടതി മന്ദിരം, സിവിൽ സർവീസസ് കോളേജ്, സാമൂഹിക പാർപ്പിട പദ്ധതി എന്നിവയുണ്ട്.
നേപ്പാളിൽ ജയനഗർ-ബർദിബാസ് അതിർത്തി കടന്നുള്ള റെയിൽ പാതയും നേപ്പാൾഗഞ്ച്, ബിർഗഞ്ച് എന്നിവിടങ്ങളിലെ സംയോജിത ചെക്ക് പോസ്റ്റുകളും ഉണ്ട്.
ശ്രീലങ്കയിൽ ഇന്ത്യൻ ഹൗസിങ് പദ്ധതി, ഡിക്കോയയിലെ മൾട്ടി സ്പെഷ്യാലിറ്റി ആശുപത്രി, യാഴ്പാണത്തെ സാംസ്കാരിക കേന്ദ്രം; മാലദ്വീപിൽ പോലീസ്-നിയമപാലന ദേശീയ കോളേജ്, പ്രതിരോധ മന്ത്രാലയ മന്ദിരം എന്നിവ.
മ്യാൻമറിൽ കലാദൻ മൾട്ടിമോഡൽ ട്രാൻസിറ്റ് ട്രാൻസ്പോർട്ട് കോറിഡോറിന്റെ ഭാഗമായ സിറ്റ്‌വേ തുറമുഖവും മ്യാൻമർ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജിയും ഇന്ത്യ നിർമിച്ചു.
ദക്ഷിണാഫ്രിക്കയിലെ ഗാന്ധി മണ്ടേല സെന്റർ ഓഫ് സ്പെഷ്യലൈസേഷൻ ഫോർ ആർട്ടിസൻ സ്കിൽസും ഇതിൽ ഉൾപ്പെടുന്നു.