സമുന്നതി ഇ-യാത്ര പദ്ധതിയിൽ ഇലക്ട്രിക് ഓട്ടോയ്ക്ക് മുതൽമുടക്ക് സബ്‌സിഡി

12 നവംബർ 2026

സമുന്നതി ഇ-യാത്ര പദ്ധതിയിൽ ഇലക്ട്രിക് ഓട്ടോറിക്ഷ വാങ്ങാൻ മുതൽമുടക്ക് സബ്‌സിഡിക്ക് കേരള സംസ്ഥാന മുന്നോക്ക സമുദായ ക്ഷേമ കോർപ്പറേഷൻ (Kerala State Welfare Corporation for Forward Communities) അപേക്ഷ ക്ഷണിച്ചു. സാമ്പത്തികമായി പിന്നോക്കം നിൽക്കുന്ന കുടുംബങ്ങളിലെ സംവരണേതര (മുന്നോക്ക) സമുദായങ്ങളിലെ സ്ത്രീകൾക്ക് തൊഴിലും വരുമാനവും ഉണ്ടാക്കുന്നതിന് മുൻഗണന നൽകുകയാണ് ലക്ഷ്യം. നവംബർ 16 മുതൽ ഡിസംബർ 15 വരെ അപേക്ഷിക്കാം. അപേക്ഷാ ഫോമും വിവരങ്ങളും കോർപ്പറേഷന്റെ വെബ്സൈറ്റ് www.kswcfc.org -ൽ ലഭിക്കും. വാഹനത്തിന്റെ വിലയിലേക്കാണ് സബ്‌സിഡി നൽകുന്നത്. അതിനാൽ കുറഞ്ഞ വായ്പാഭാരത്തോടെ യാത്രാ സർവീസ് തുടങ്ങാം.