ഹിമാചൽ പ്രദേശ് ഇടപാടിന് പകരം ജി.എൻ.എ എനർജിയുടെ വില സ്വീകരിച്ചത് 2,232 കോടി രൂപയുടെ അധികബാധ്യത ഒഴിവാക്കാനെന്ന് കേരളം

4 നവംബർ 2026

കേരള സ്റ്റേറ്റ് ഇലക്ട്രിസിറ്റി ബോർഡ് (KSEB) ഹിമാചൽ പ്രദേശ് സർക്കാർ പി.ടി.സി ഇന്ത്യ ലിമിറ്റഡ് (PTC India Ltd) വഴി നൽകിയ വിലയ്ക്ക് പകരം ജി.എൻ.എ എനർജി ഒ.ടി.സിയിൽ (GNA Energy OTC) നിന്ന് വൈദ്യുതി വാങ്ങിയത് എന്തുകൊണ്ടെന്ന് സർക്കാർ വിശദീകരിച്ചു. മന്ത്രിസഭാ യോഗത്തിന് ശേഷമുള്ള വാർത്താസമ്മേളനത്തിൽ മുഖ്യമന്ത്രി പറഞ്ഞത് ഇങ്ങനെ: ഹിമാചലിന്റെ വില യൂണിറ്റിന് 14.50 രൂപയായിരുന്നു, ജി.എൻ.എ ചോദിച്ചത് 8.63 രൂപയും 8.90 രൂപയും. വില കൂടിയ വൈദ്യുതി വാങ്ങിയാൽ സംസ്ഥാനത്തിന് 2,232 കോടി രൂപയിലധികം അധികബാധ്യത വരുമായിരുന്നു. 2027 മാർച്ച് വരെ ഹിമാചൽ വാഗ്ദാനം ചെയ്തത് 843 ദശലക്ഷം യൂണിറ്റ്, ജി.എൻ.എ 1,812 ദശലക്ഷം യൂണിറ്റ്. പീക്ക് സമയത്ത് ഹിമാചൽ 353 ദശലക്ഷം യൂണിറ്റും ജി.എൻ.എ 453 ദശലക്ഷം യൂണിറ്റും വാഗ്ദാനം ചെയ്തു. ഇലക്ട്രിസിറ്റി റെഗുലേറ്ററി കമ്മീഷൻ നിശ്ചയിച്ച വില പരിധി വെച്ച് നോക്കിയാൽ ജി.എൻ.എയിൽ നിന്നുള്ള വാങ്ങലിന് യൂണിറ്റിന് 2.6 രൂപയും ഹിമാചലിൽ നിന്നുള്ളതിന് 8.5 രൂപയും അധികമായി വരും. എല്ലാ വിലകളും ഇരുപത്തിനാല് മണിക്കൂർ വിതരണത്തിനായിരുന്നു.