ആക്സസ് ആൻഡ് ബെനിഫിറ്റ് ഷെയറിങ് സംവിധാനത്തിൽ 29 സംസ്ഥാന ജൈവവൈവിധ്യ ബോർഡുകൾക്ക് 1.19 കോടി രൂപ വിതരണം ചെയ്ത് ദേശീയ ജൈവവൈവിധ്യ അതോറിറ്റി

18 ഒക്ടോബർ 2026

ആക്സസ് ആൻഡ് ബെനിഫിറ്റ് ഷെയറിങ് സംവിധാനത്തിൻ കീഴിൽ 29 സംസ്ഥാന ജൈവവൈവിധ്യ ബോർഡുകൾക്കും ഒരു കേന്ദ്രഭരണ പ്രദേശ ജൈവവൈവിധ്യ കൗൺസിലിനും ദേശീയ ജൈവവൈവിധ്യ അതോറിറ്റി 1.19 കോടി രൂപ വിതരണം ചെയ്തു. ചോളം, നെല്ല്, കമ്പം, പരുത്തി എന്നിവയുൾപ്പെടെയുള്ള കാർഷിക ജൈവവിഭവങ്ങളുടെ ഗവേഷണത്തിനും വാണിജ്യ ഉപയോഗത്തിനുമായി കമ്പനികളിൽനിന്നു ലഭിച്ച വിഹിതമാണിത്. യൂണിഫൈഡ് പോർട്ടൽ ഫോർ അഗ്രിക്കൾച്ചറൽ സ്റ്റാറ്റിസ്റ്റിക്സിലെ കാർഷിക സ്ഥിതിവിവരക്കണക്കുകൾ ഉപയോഗിച്ച്, അതതു ജൈവവിഭവങ്ങളുടെ കൃഷിവിസ്തൃതിയുടെ അനുപാതത്തിലാണു വിഹിതം നിശ്ചയിച്ചത്. 19,46,149 രൂപയുമായി മഹാരാഷ്ട്രയ്ക്കാണ് ഏറ്റവും വലിയ വിഹിതം; 13,97,525 രൂപയുമായി രാജസ്ഥാനും 13,32,250 രൂപയുമായി മധ്യപ്രദേശും തുടർന്നു. ആകെ തുക 1,18,61,655 രൂപ. 2002-ലെ ജൈവവൈവിധ്യ നിയമത്തിലെ 32(2) വകുപ്പിൽ പറയുന്ന പ്രവർത്തനങ്ങൾക്കു മാത്രമേ ഈ പണം ഉപയോഗിക്കാവൂ. കാർഷിക മേഖലയിൽനിന്നു ലഭിച്ച 86 കോടി രൂപയും ആകെ 203 കോടിയിലധികം രൂപയും അതോറിറ്റി ഇതുവരെ വിതരണം ചെയ്തിട്ടുണ്ട്. 2026 ഒക്ടോബർ 19 മുതൽ 30 വരെ അർമേനിയയിലെ യെരേവാനിൽ നടക്കുന്ന ജൈവവൈവിധ്യ ഉടമ്പടിയുടെ കക്ഷികളുടെ സമ്മേളനത്തിന്റെ പതിനേഴാം യോഗത്തിനു മുന്നോടിയായാണു വിതരണം.