ഓപ്പറേഷൻ തൂഫാൻ 2.0: എറണാകുളത്ത് സംയുക്ത വാഹനപരിശോധനയിൽ 159 നിയമലംഘനങ്ങൾ, 8,06,500 രൂപ പിഴ

21 ഒക്ടോബർ 2026

എറണാകുളം മോട്ടോർ വാഹന വകുപ്പും പോലീസും സംയുക്തമായി ഓപ്പറേഷൻ തൂഫാൻ 2.0 യുടെ ഭാഗമായി ജില്ലയുടെ വിവിധ മേഖലകളിൽ വ്യാപക വാഹനപരിശോധന നടത്തി.
ഡെപ്യൂട്ടി ഇൻസ്പെക്ടർ ജനറൽ ഓഫ് പോലീസ് യതീഷ് ചന്ദ്രയുടെ നിർദേശപ്രകാരം പുലർച്ചെ നാലുമുതൽ രാവിലെ എട്ടുവരെയായിരുന്നു പരിശോധന.
159 നിയമലംഘനങ്ങൾ കണ്ടെത്തി 8,06,500 രൂപ പിഴ ചുമത്തി.
അങ്കമാലി കറുകുറ്റി, കരയാംപറമ്പ്, പെരുമ്പാവൂർ, ആലുവ, മൂവാറ്റുപുഴ, കൂത്താട്ടുകുളം, നേര്യമംഗലം എന്നിവിടങ്ങളിൽ നൂറോളം ഉദ്യോഗസ്ഥർ സ്‌ക്വാഡുകളായി തിരിഞ്ഞ് പരിശോധന നടത്തി.
ഡ്രൈവിങ് ലൈസൻസില്ലാതെ വാഹനം ഓടിക്കൽ, നികുതി അടയ്ക്കാത്ത വാഹനങ്ങൾ, പെർമിറ്റും ഇൻഷുറൻസുമില്ലാത്ത വാഹനങ്ങൾ, അനധികൃത രൂപമാറ്റം, നിരോധിത എയർ ഹോൺ, ഹൈ സെക്യൂരിറ്റി രജിസ്ട്രേഷൻ പ്ലേറ്റ് ഇല്ലാത്ത വാഹനങ്ങൾ എന്നിവ കണ്ടെത്തി.