ലിക്ടൻസ്റ്റൈനിലെ ഹെരെഡിറ്ററി പ്രിൻസ് അലോയിസിനെയും പ്രിൻസസ് സോഫിയെയും രാഷ്ട്രപതി ഭവനിൽ രാഷ്ട്രപതി സ്വീകരിച്ചു
27 ഒക്ടോബർ 2026
ലിക്ടൻസ്റ്റൈനിലെ ഹെരെഡിറ്ററി പ്രിൻസ് അലോയിസിനെയും ഹെരെഡിറ്ററി പ്രിൻസസ് സോഫിയെയും രാഷ്ട്രപതി ദ്രൗപദി മുർമു രാഷ്ട്രപതി ഭവനിൽ സ്വീകരിക്കുകയും അവർക്കായി വിരുന്നു നൽകുകയും ചെയ്തു. വ്യാപാരം, നിക്ഷേപം, ശാസ്ത്ര-സാങ്കേതിക രംഗം, നൂതനാശയങ്ങൾ, സംസ്കാരം, ജനങ്ങൾക്കിടയിലുള്ള കൈമാറ്റങ്ങൾ എന്നീ മേഖലകളിൽ ഇന്ത്യ-ലിക്ടൻസ്റ്റൈൻ സഹകരണം വളരുന്നുവെന്ന് രാഷ്ട്രപതി പറഞ്ഞു. ഇന്ത്യയും യൂറോപ്യൻ ഫ്രീ ട്രേഡ് അസോസിയേഷനും തമ്മിൽ 2024-ൽ പൂർത്തിയാക്കിയ ട്രേഡ് ആൻഡ് ഇക്കണോമിക് പാർട്ണർഷിപ്പ് എഗ്രിമെന്റ് വ്യാപാരത്തിനും നിക്ഷേപത്തിനും പുതിയ വഴികൾ തുറന്നെന്നും അവർ ചൂണ്ടിക്കാട്ടി. അടുത്ത 15 വർഷത്തിനുള്ളിൽ ഇന്ത്യയിൽ 10,000 കോടി ഡോളറിന്റെ നിക്ഷേപം സുഗമമാക്കാനും 10 ലക്ഷം നേരിട്ടുള്ള തൊഴിലുകൾ സൃഷ്ടിക്കാനുമുള്ള പ്രതിബദ്ധതയെക്കുറിച്ചും അവർ സൂചിപ്പിച്ചു. അഡ്വാൻസ്ഡ് മാനുഫാക്ചറിങ്, ഫിൻടെക്, കാർഷിക ഗവേഷണം, സുസ്ഥിര അടിസ്ഥാനസൗകര്യം, ആരോഗ്യപരിപാലനം, മെറ്റീരിയൽസ് സയൻസ് എന്നീ മേഖലകളിൽ ലിക്ടൻസ്റ്റൈൻ കമ്പനികൾക്കു താത്പര്യമുണ്ടെന്നും പറഞ്ഞു.
പദങ്ങൾ
EFTA European Free Trade Association — ഐസ്‌ലൻഡ്, ലിക്ടൻസ്റ്റൈൻ, നോർവേ, സ്വിറ്റ്സർലൻഡ് എന്നീ നാലു രാജ്യങ്ങളുടെ കൂട്ടായ്മ; ഇത് യൂറോപ്യൻ യൂണിയന്റെ ഭാഗമല്ല.
TEPA Trade and Economic Partnership Agreement — ഇന്ത്യയും ഇഎഫ്ടിഎ രാജ്യങ്ങളും തമ്മിലുള്ള വ്യാപാര കരാറിന്റെ പേര്.