ഒക്ടോബർ-ഡിസംബർ പാദത്തിൽ സംസ്ഥാനങ്ങളും കേന്ദ്രഭരണ പ്രദേശങ്ങളും വിപണിയിൽ നിന്ന് 3,60,820 കോടി രൂപ സമാഹരിക്കും

1 ഒക്ടോബർ 2026

2026 ഒക്ടോബർ-ഡിസംബർ കാലയളവിൽ സംസ്ഥാന സർക്കാരുകളുടെയും കേന്ദ്രഭരണ പ്രദേശങ്ങളുടെയും വിപണി വായ്പയെടുപ്പിനുള്ള സൂചക കലണ്ടർ റിസർവ് ബാങ്ക് ഓഫ് ഇന്ത്യ പുറത്തിറക്കി.
ഈ പാദത്തിലെ സൂചക ആകെത്തുക 3,60,820 കോടി രൂപയാണ്.
ഓരോ സംസ്ഥാന സർക്കാരുമായും കേന്ദ്രഭരണ പ്രദേശവുമായും കൂടിയാലോചിച്ചാണ് കലണ്ടർ തയ്യാറാക്കിയത്.
2026-27 ഒന്നാം പാദത്തിൽ ഒൻപതു സംസ്ഥാനങ്ങളിൽ പരീക്ഷണാടിസ്ഥാനത്തിൽ തുടങ്ങി, രണ്ടാം പാദത്തിൽ ഒന്നപത് സംസ്ഥാനങ്ങളിലേക്കും ഡൽഹിയിലേക്കും വ്യാപിപ്പിച്ച ബെഞ്ച്മാർക്ക് ഇഷ്യുവൻസ് സ്ട്രാറ്റജി, മൂന്നാം പാദം മുതൽ അസം, ഗോവ, ഹരിയാന, മിസോറം, നാഗാലാൻഡ്, ത്രിപുര, ജമ്മു കശ്മീർ കേന്ദ്രഭരണ പ്രദേശം എന്നിവയിലേക്കു കൂടി വ്യാപിപ്പിച്ചു.
ഇരുപത്തിയഞ്ച് സംസ്ഥാനങ്ങളും രണ്ട് കേന്ദ്രഭരണ പ്രദേശങ്ങളുമാണ് ഇപ്പോൾ ഈ രീതിയിൽ പങ്കാളികളാകുന്നത്; പങ്കാളികളായവയ്ക്കും അല്ലാത്തവയ്ക്കും പ്രത്യേക അനുബന്ധങ്ങളിലാണ് കലണ്ടർ നൽകിയിട്ടുള്ളത്.
യഥാർഥ വായ്പയെടുപ്പ് ഓരോ സംസ്ഥാനത്തിന്റെയും ആവശ്യം, കേന്ദ്ര സർക്കാരിന്റെ അനുമതി, വിപണി സാഹചര്യങ്ങൾ എന്നിവയെ ആശ്രയിച്ചിരിക്കുമെന്ന് റിസർവ് ബാങ്ക് വ്യക്തമാക്കി.