കിഷ്ത്വാറിൽ ഭൂകമ്പ നിരീക്ഷണ കേന്ദ്രം; ജമ്മു കശ്മീരിൽ ഇത്തരം കേന്ദ്രങ്ങൾ നാലായി

2 നവംബർ 2026

ഉയർന്ന ഭൂകമ്പ സാധ്യതാ മേഖലയിലുള്ള കിഷ്ത്വാറിൽ ഭൗമശാസ്ത്ര മന്ത്രാലയം പുതിയ ഭൂകമ്പ നിരീക്ഷണ കേന്ദ്രം (സീസ്മോളജിക്കൽ ഒബ്സർവേറ്ററി) തുറന്നു. ശാസ്ത്ര-സാങ്കേതിക, ഭൗമശാസ്ത്ര സഹമന്ത്രി (സ്വതന്ത്ര ചുമതല) ഡോ. ജിതേന്ദ്ര സിങ് ആണ് ഉദ്ഘാടനം ചെയ്തത്. ഡിജിറ്റൽ ഉപകരണങ്ങളുള്ള ഈ കേന്ദ്രത്തിലെ വിവരങ്ങൾ ന്യൂഡൽഹിയിലെ നാഷണൽ സെന്റർ ഫോർ സീസ്മോളജിയുടെ (NCS) ഇരുപത്തിനാല് മണിക്കൂർ ഭൂകമ്പ നിരീക്ഷണ കേന്ദ്രത്തിലേക്ക് തത്സമയം എത്തും. ഇതോടെ ജമ്മു കശ്മീരിൽ ജമ്മു, ശ്രീനഗർ, ഉധംപൂർ, കിഷ്ത്വാർ എന്നിവിടങ്ങളിലായി നാല് ഭൂകമ്പ നിരീക്ഷണ കേന്ദ്രങ്ങളായി. 2014 ൽ ഒരു ഡോപ്ലർ വെതർ റഡാർ (Doppler Weather Radar) പോലും ഇല്ലാതിരുന്ന മേഖലയിൽ പന്ത്രണ്ട് വർഷത്തിനിടെ നാല് റഡാറുകൾ സ്ഥാപിച്ചു; നാല് കൂടി വരുന്നതോടെ എണ്ണം എട്ടാകും. ഓട്ടോമാറ്റിക് വെതർ സ്റ്റേഷനുകൾ മൂന്നിൽ നിന്ന് പന്ത്രണ്ടായി; ഇതിൽ നാല് കിഷ്ത്വാറിനും രണ്ട് വീതം ദോഡ, രാംബൻ എന്നിവിടങ്ങൾക്കുമാണ്. മഴമാപിനി കേന്ദ്രങ്ങൾ ഒമ്പതിൽ നിന്ന് പതിനഞ്ചായി. ദോഡ, കിഷ്ത്വാർ, അനന്ത്നാഗ്, ബാരാമുള്ള എന്നിവിടങ്ങളിൽ നാല് ഡോപ്ലർ റഡാറുകൾ കൂടി വരും.